Jeŭrazijski ekanamičny sajuz Rasii, Biełarusi i Kazachstana, jaki płanujecca stvaryć da 2015 hoda, pavinien stać najbolš prasunutaj formaj ekanamičnaj intehracyi troch dziaržaŭ, jakija ŭžo siońnia majuć ahulnuju mytnuju terytoryju i čyj sumarny VUP składaje 85% vałavaha praduktu SND.
«Što tyčycca pytańniaŭ paradku dnia, pieršaje — heta praca nad prajektam damovy pa Jeŭrazijskim ekanamičnym sajuzie. Vymušany kanstatavać, i ja miarkuju, što my ŭ hetym płanie budziem vieści dyskusiju pa paradku dnia, što ŭ cełym praces hety prasoŭvajecca ź ciažkaściu», — skazaŭ premjer-ministr Biełarusi Michaił Miaśnikovič na pasiadžeńni Vyšejšaha Jeŭrazijskaha savieta na ŭzroŭni kiraŭnikoŭ uradaŭ u vuzkim składzie.
«Choć stvorana 12 pracoŭnych hrup kalehii JEEK (Jeŭrazijskaja ekanamičnaja kamisija — nadnacyjanalny orhan kiravańnia), ale jasnaści pakul niama pa mnohich pytańniach», — dadaŭ Miaśnikovič.
Pavodle jaho słoŭ, u paradku dnia Vyšejšaha Jeŭrazijskaha savieta prapanujecca razhledzieć pytańni, źviazanyja sa strukturaj JEAS.
«Prapanujecca razhledzieć prapanovu kazachstanskaha boku — toje, što tyčycca asabliva instytucyjnaj častki. Prapanujecca novaja struktura Sajuza (JEAS). Ščyra kažučy, dla nas, moža być, z-za niedachopu infarmacyi, nie zusim zrazumieła, navošta heta treba», — skazaŭ biełaruski premjer.
