Jany adrasavany ŭsim, chto žadaje paznajomicca z sučasnaj niamieckaj kulturaj, hramadstvam i ekanomikaj.
Tydni Hiermanii, jakija sioleta adznačajuć svoj 10-hadovy jubilej, pačynajucca i ŭ hetym hodzie pa tradycyi 26 vieraśnia — u Jeŭrapiejski dzień moŭ, i buduć doŭžycca da 20 kastryčnika 2013. Jany adrasavany ŭsim, chto žadaje paznajomicca z sučasnaj niamieckaj kulturaj, hramadstvam i ekanomikaj.
Mierapryjemstvy ŭ ramkach «Śviata niamieckaj movy» stanuć adnoj z centralnych padziej Tydniaŭ Hiermanii.
Važnymi punktami prahramy źjaŭlajucca taksama mierapryjemstvy Hiermanskaj słužby akademičnych abmienaŭ (DAAD), Infarmacyjnaje biuro jakoj u Minsku ŭ hetym hodzie adznačaje 10 hadoŭ paśpiachovaj pracy.
Akramia taho, Hiermanija pradstavić biełaruskaj hramadskaści filmy, muzyku, teatralnyja pastanoŭki, litaraturu, fotavystavu i šerah inšych mierapryjemstvaŭ.
Školniki, studenty, a taksama vučonyja i ekśpierty źjaŭlajucca aktyŭnymi ŭdzielnikami prahramy.
Poruč z kulturnymi mierapryjemstvami Vas čakajuć i inšyja, jakija tyčacca palityčnych aśpiektaŭ, humanitarnaj dapamohi i ekanamičnaha supracoŭnictva.
Tydni Hiermanii ź ciaham času stali niaźmiennym składalnikam pracy ŭ halinie niamieckaj kultury ŭ Biełarusi. Jany pravodziacca Pasolstvam Fiederatyŭnaj Respubliki Hiermanija razam ź inšymi hiermanskimi ŭstanovami i niamieckimi pasiarednikami ŭ halinie kultury ŭ Biełarusi ŭ supracoŭnictvie ź biełaruskimi partniorami.
Padrabiaznuju i aktualnuju infarmacyju ab asobnych mierapryjemstvach i arhanizatarach možna znajści na sajcie pasolstva Hiermanii ŭ Biełarusi.
