Pavodle źviestak Nacyjanalnaha statystyčnaha kamiteta Biełarusi, tavarazvarot z krainami Jeŭrapiejskaha sajuza ŭ studzieni-lipieni 2013 hoda źniziŭsia na 28,9% i skłaŭ 12 młrd. 672,6 młn. dołaraŭ. Letaś za hety pieryjad tavaraabarot uzros na 33,1%, paviedamlaje BiełaPAN.
Za studzień-lipień hetaha hoda ekspart u ES źmienšyŭsia na 48,1% (6 młrd. 723,6 młn. dołaraŭ), impart — uzros na 22,3% (5 młrd. 949 młn. dołaraŭ). Stanoŭčaje salda skłała 774,6 młn. dołaraŭ.
Asnoŭnymi handlovymi partniorami Biełarusi ŭ studzieni-lipieni 2013 hoda źjaŭlalisia: Rasija — 48,4% usiaho abjomu tavaraabarotu, Ukraina — 8,1%, Niderłandy — 6,3%, Hiermanija — 6%, Kitaj — 4,2%, Polšča — 2,8%, Italija — 2,5%, Litva — 1,8%, Złučanaje Karaleŭstva — 1,3%, Kazachstan — 1,1%.
Ekspart tavaraŭ u Rasiju skłaŭ 9 młrd. 605,7 młn. dołaraŭ ZŠA, što na 5,7% bolš, čym za studzień-lipień 2012 hoda, impart z Rasii — 13 młrd. 252,6 młn. (na 22,8% mienš).
Abjom ekspartu va Ukrainu dasiahnuŭ 2 młrd. 611,1 młn. dołaraŭ (na 19,6% mienš), impartu ŭ Biełaruś — 1 młrd. 212,2 młn. (na 0,3% bolš).
U Niderłandy ekspartavana tavaraŭ na 2 młrd. 720,4 młn. dołaraŭ (na 53,8% mienš za pakazčyk studzienia-lipienia 2012 hoda), impartavana — na 248,3 młn. (na 4,1% bolš).
Ekspart u Hiermaniju skłaŭ 1 młrd. 14,1 młn. dołaraŭ (na 0,1% bolš), impart — 1 młrd. 803,2 młn. (na 34,1% bolš). U Kitaj ekspartavana tavaraŭ na 362,8 młn. dołaraŭ (na 5,6% bolš), impartavana — na 1 młrd. 620,5 młn. (na 46,7% bolš).
Ekspart u Polšču skłaŭ 463,6 młn. dołaraŭ (na 20,6% mienš), impart — 863 młn. (na 19,4% bolš). Ekspart u Italiju dasiahnuŭ 567,8 młn. dołaraŭ (na 46,1% bolš), impart — 594,1 młn. (na 15,2% bolš).
U Złučanaje Karaleŭstva ekspartavana tavaraŭ na 399,7 młn. dołaraŭ (na 34% bolš), impartavana — na 216,2 młn. (na 8,9% bolš). U Litvu abjom ekspartu źniziŭsia da 607,9 młn. dołaraŭ (na 22,8% mienš), impart pavialičyŭsia do 245,6 młn. (na 36,1% bolš).
Rezka skaraciŭsia ekspart u Łatviju — na 88,2% do 348,8 młn. dołaraŭ, impart uzros na 17% i skłaŭ 88,1 młn. dołaraŭ.
U ZŠA ekspart dasiahnuŭ 47,8 młn. dołaraŭ (na 9,3% bolš), impart — 337,3 młn. (na 17,5% bolš).
U Francyju ekspart skłaŭ 49,2 młn. dołaraŭ (na 37,9% bolš), impart — 293,9 młn. (na 24,5% bolš).
