Ilustracyjnaje fota, bmwblog.com.
Supracoŭnikami addzieła kryminalnaha vyšuku Savieckaha RUUS stalicy zatrymany afieryst, jaki, skarystaŭšysia davierlivaściu hramadzian, vykraŭ u ich bujnuju sumu valuty, paviedamlaje BiełaPAN.
Jak paviedamili ŭ HUUS Minharvykankama, letam 2013 hoda hramadzianin zamiežnaj dziaržavy ŭziaŭ u arendu ŭ adnym ź minskich handlovych centraŭ pamiaškańnie, kudy davierlivyja ludzi prynosili svaje źbieražeńni z metaj afarmleńnia ździełki na kuplu darahich aŭtamabilaŭ za miažoj.
Złamyśnik abiacaŭ u samy karotki termin i pa prymalnaj canie dastavić u Biełaruś aŭtamabili «BMV», «Porše» i da t.p.
U damovach značyłasia imia dyrektara TAA «Intrejd» Ramanava Uładlena Hienadzieviča, jakim nazyvaŭsia machlar.
Sabraŭšy z zamoŭcaŭ prykładna $200000, machlar źnik razam z hrašyma.
Paciarpiełyja źviarnulisia ŭ milicyju, dzie vyśvietliłasia, što firma i jaje dyrektar nie isnujuć, a numary kantaktnych telefonaŭ zarehistravanyja na pabočnych ludziej.
Łžepradprymalnika zatrymali apieratyŭnyja supracoŭniki Savieckaha RUUS Minska.
U arandavanaj im kvatery byli znojdzieny dakumienty, što śviedčać asobu, na imia hramadzian RF i Ukrainy.
Pavodle najaŭnaj apieratyŭnaj infarmacyi, machlar moža mieć dačynieńnie da ŭčynieńnia anałahičnych złačynstvaŭ na terytoryi Biełarusi, a taksama ŭ šerahu krain SND.
Pravodzicca rasśledavańnie.
