Siem čałaviek aryštavanyja ŭ hałoŭnym mižnarodnym aeraporcie Šry-Łanki ŭ časie prachodžańnia pieradpalotnaha nadhladu: pravierka na renthienaŭskim aparacie vyjaviła, što ŭ ich straŭnikach znachodziacca ŭ ahulnaj składanaści 25 źlitkaŭ zołata, paviedamlaje Bi-Bi-Si.
Zatrymanyja źbiralisia lacieć u paŭdniovuju Indyju. Jak miarkujecca, jany chacieli ŭchilicca ad mytnych pošlin.
Zaraz kantrabandysty znachodziacca pad vartaj u špitali, dzie ich kormiać bananami, tvarahom, ciortymi kakosavymi arechami i rysavaj mukoj, kab vyvieści mietał z arhanizma naturalnym šlacham.
Pradstaŭnik mytnaj słužby Šry-Łanki paviedamiŭ, što čatyry kavałki zołata ŭžo vyjšli.
Vaha i košt kantrabandnaha kaštoŭnaha mietału pakul nie nazyvajucca.
