Prezident AAT «Naftavaja kampanija «Rasnafta» Ihar Siečyn zajaviŭ, što zacikaŭleny ŭ kupli dziaržaŭnaj doli ŭ Mazyrskim naftapierapracoŭčym zavodzie. Ab hetym jon paviedamiŭ žurnalistam.

«Nam hety aktyŭ cikavy. My ŭžo tam prysutničajem. Usio astatniaje budzie zaležać ad umoŭ prodažu. Budziem razhladać», — cytuje Siečyna ahienctva «Prajm».

Hetu zajavu Siečyn zrabiŭ praz šeść dzion paśla taho jak Dziaržaŭny kamitet pa majomaści abjaviŭ ab płanujemym prodažy na aŭkcyjonach i konkursach akcyj bolš čym 80 pradpryjemstvaŭ i jašče niekalkich pradpryjemstvaŭ jak majomasnych kompleksaŭ, što naležać Respublicy Biełaruś. Siarod inšaha, na prodaž pa konkursie vystaŭlena dziaržaŭnaja dola ŭ AAT «Mazyrski NPZ» (42,76%) bałansavym koštam pa stanie na 1 studzienia hetaha hoda 4,68 trłn. rubloŭ.

A miesiacam raniej, 11 vieraśnia, u Minsku adbyłasia sustreča Alaksandra Łukašenki ź Iharam Siečynym.

Biełaruski kiraŭnik prapanavaŭ rasijskaj kampanii pašyryć supracoŭnictva ź Biełaruśsiu: «My vielmi zacikaŭlenyja ŭ supracoŭnictvie z «Rasnaftaj» jašče i tamu, što heta — vialikaja impieryja». Pry hetym Łukašenka zajaviŭ, što biełaruski bok nie chacieŭ by abmiežavacca tolki pierapracoŭkaj nafty i realizacyjaj naftapraduktaŭ: «Takaja impieryja maje patrebu ŭ zabieśpiačeńni, pačynajučy ad praduktaŭ charčavańnia i zakančvajučy technikaj. Tamu my budziem prasić vas razhledzieć pytańni, kab pry roŭnych mahčymaściach my mieli pieravahu ŭ pastaŭkach toj pradukcyi i tavaraŭ, jakija vam buduć patrebnyja dla vytvorčaści i zabieśpiačeńnia funkcyjanavańnia kampanii. Ja prasiŭ urad, kab jany prapracavali takija kirunki supracoŭnictva».

Łukašenka taksama padziakavaŭ Siečynu za pryncypovaść, jakuju kiraŭnictva «Rasnafty» prajaŭlaje ŭ pytańniach abaviazacielstvaŭ rasijskaha boku pa pastaŭkach nafty ŭ Biełaruś.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?