Pieršy adbor paśpiachova prajšli 94 prajekty z 136, zajaŭlenych na startidea.by.

Da 22 listapada praciahniecca narodnaje hałasavańnie, u vyniku jakoha budzie adabranaja dziasiatka najlepšych. Siarod temaŭ, jakija ŭzdymajuć inicyjatary prajektaŭ, — dapamoha starym i ludziam z abmiežavanymi mahčymaściami, pošuk źnikłych ludziej, dapamoha chvorym, prablemy ekalohii i kłopat pra biesprytulnych žyviołaŭ, dapamoha dzieciam i ich tvorčaje raźvićcio, ažyŭleńnie haradzkich vulic srodkami mastactva, zmahańnie z vandalizmam na vulicach, a taksama chamstvam aŭtamabilistaŭ, stvareńnie placovak uzajemadapamohi i uzajemnaha abmienu roznymi pasłuhami.

Siarod biełaruskamoŭnych prajektaŭ, a ich siarod padadzienych amal 15%, fihurujuć zbolšaha temy litaratury i kultury, a tady ŭžo adukacyi, turyzmu, ŚMI, ramiostvaŭ, kreatyŭnych padarunkaŭ, a taksama kancertaŭ u dapamohu psichična chvorym.

Litaraturnyja prajekty prapanoŭvajuć pieranieści biełaruskuju litaraturu jak na virtualnyja placoŭki i mabilnyja platformy, tak i na całkam realnyja, naprykład, raspaŭsiudžvać biełaruskuju klasyku ŭ hramadzkim transparcie.

Dla smartfonaŭ adna ź inicyjatyŭnych hrup prapanoŭvaje prajekt «Biełaruskija kazki», a dla zvyčajnych internet-karystalnikaŭ — sacyjalnuju sietku dla čytačoŭ i aŭtaraŭ, a taksama sajt abmienu vodhukami pra dziciačuju litaraturu.

Kulturnickija prajekty «Dyjałoh pakaleńniaŭ» i «Kultura dzieciam» znajomiać z tradycyjnaj narodnaj kulturaj i ź jaje dapamohaj vyrašajuć prablemy samych nieabaronienych katehoryj našaha nasielnictva — starych i dziaciej.

Prajekt «Kultura pačynajecca ź ciabie» sprabuje zadziejničać srodki sacyjalnaj reklamy.

Kancert-akcyja «Žoŭty dom» — heta ŭžo sproba pastavić kulturu na słužbu ludziam z abmiežavanymi mahčymaściami.

Adukacyjnyja prajekty — heta najpierš moŭnyja idei. Prajekt «Da movy praz malunki» prapanoŭvaje stvareńnie sieryi tematyčnych słoŭnikaŭ dla dziaciej.

A «Krok napierad» — heta konkurs videarolikaŭ, jakija zaachvočvajuć karystacca biełaruskaj movaj.

Ramieśnickija prajekty znajomiać adpaviedna ź placieńniem z łazy («Łaza pa vakacyjach») i chlebnaj spravaj («Žorny — štukarskaja piakarnia i cukiernia»).

Biełaruskamoŭnym taksama abiacaje być turystyčny sajt, dzie buduć sabranyja cikavostki mienavita moładzievaha turyzmu.

Adzin ź niešmatlikich kamercyjnych prajektaŭ — Art-krama — prapanoŭvaje źmianić staŭleńnie da Biełarusi praz raspaŭsiud jakasnych suveniraŭ.

Padrabiaznaje apisańnie ŭsich prajektaŭ možna pračytać na sajcie Social Weekend, tamsama možna i prahałasavać za ich.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?