Realnaja zarabotnaja płata (raźličanaja z ulikam rostu spažyvieckich cen na tavary i pasłuhi) u studzieni—vieraśni 2013 hoda ŭ paraŭnańni sa studzieniem—vieraśniem 2012 hoda pavialičyłasia ŭ Biełarusi na 18,7%, u vieraśni 2013 hoda ŭ paraŭnańni sa žniŭniem 2013 hoda — pamienšyłasia na 4,7%.

Paviedamilaje pres-słužba Nacyjanalnaha statystyčnaha kamiteta. 

Naminalnaja naličanaja siaredniamiesiačnaja zarabotnaja płata rabotnikaŭ u studzieni—vieraśni 2013 hoda skłała 5 młn. 0,2 tys. rubloŭ, u tym liku ŭ vieraśni — 5 młn. 374,8 tys. rubloŭ, i pamienšyłasia ŭ paraŭnańni sa žniŭniem 2013 hoda na 3,1%, ci na 172,3 tys. rubloŭ. 

U vieraśni 2013 hoda ŭ pramysłovaści siaredniaja zarabotnaja płata skłała 5 młn. 936,4 tys. rubloŭ, u budaŭnictvie — 7 młn. 325,4 tys., na transparcie i ŭ suviazi — 6 młn. 74,5 tys., u sielskaj haspadarcy, palavańni i lasnoj haspadarcy — 4 młn. 118,8 tys. rubloŭ. 

U adukacyi siaredniaja zarpłata skłała 3 młn. 523,8 tys., u tym liku nastaŭnikaŭ — 4 młn. 142 tys., prafiesarka-vykładčyckaha składu — 5 młn. 831,5 tys. rubloŭ. Zarabotnaja płata rabotnikaŭ achovy zdaroŭja i akazańnia sacyjalnych pasłuh u vieraśni hetaha hoda skłałasia ŭ pamiery 3 młn. 875,2 tys. rubloŭ, u tym liku ŭ halinie achovy zdaroŭja — 3 młn. 984,9 tys. rubloŭ. Siaredniaja zarabotnaja płata ŭračoŭ skłała 6 młn. 219,6 tys. rubloŭ, siaredniaha miedycynskaha piersanału — 3 młn. 813,3 tys. rubloŭ. 

Maksimalnaja siaredniamiesiačnaja naličanaja zarabotnaja płata rabotnikaŭ u vieraśni pa rehijonach była ŭ Minsku — 6 młn. 910,4 tys. rubloŭ, minimalnaja — u Bresckaj vobłaści (4 młn. 753,5 tys.).

U Viciebskaj vobłaści siaredniaja zarpłata skłała 4 młn. 825,3 tys. rubloŭ, Homielskaj — 5 młn. 126,8 tys., Hrodzienskaj — 4 młn. 967,6 tys., Minskaj — 5 młn. 221 tys., Mahiloŭskaj — 4 młn. 917,5 tys. rubloŭ. 

Pa vidach ekanamičnaj dziejnaści maksimalnaja zarpłata była ŭ rabotnikaŭ śfiery, źviazanaj z vyličalnaj technikaj, — 12 młn. 475,8 tys. rubloŭ; minimalnaja — u rabotnikaŭ arhanizacyj, jakija akazvajuć sacyjalnyja pasłuhi, — 3 młn. 104,6 tys. rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?