U Homieli za ŭčynieńnie ŭhonaŭ aŭtamabilaŭ zatrymany vučań 9-ha kłasa, 16-hadovy miascovy žychar. U 2013 hodzie jon užo byŭ trojčy sudzimy za ŭčynieńnie kradziažoŭ. Zaraz chłopiec ŭziaty pad vartu.
Jak paviedamlaje adździeł infarmacyi i hramadskich suviaziaŭ UUS Homielskaha abłvykankama, u žychara Homiela prapaŭ aŭtamabil «Fijat». Mašynu ŭdałosia znajści niedaloa ad miesca ŭhonu. Zychodziačy z pakazańniaŭ śviedak, stała zrazumieła, što da hetaha złačynstva mieli dačynieńnie niepaŭnaletnija.
Praź niekalki dzion u Saviecki RAUS Homiela źviarnuŭsia hramadzianin z zajavaj ab źniknieńni aŭtamabila «VAZ». U rajonach učynienych złačynstvaŭ byli vystaŭleny narady dla ažyćciaŭleńnia pošukavych mierapryjemstvaŭ. Pozna nočču ŭ Zachodnim mikrarajonie Homiela supracoŭniki milicyi źviarnuli ŭvahu na dvuch chłopcaŭ, u adnaho ź jakich u rukach była kanistra. Padčas pravierki ŭ hetaha ž chłopca była znojdziena aŭtamahnitoła.
Jak skazaŭ namieśnik načalnika Savieckaha RAUS Homiela padpałkoŭnik milicyi Michaił Sinielnikaŭ, zatrymanyja byli dastaŭleny ŭ adździeł milicyi, dzie było ŭstanoŭlena, što adzin ź ich maje dačynieńnie da ŭhonu aŭtamabila «VAZ», a niekalkimi hadzinami raniej učyniŭ jašče i kradziež mahnitoły. U nastupnym jon ukazaŭ miescaraźmiaščeńnie «VAZa», a taksama pryznaŭsia va ŭhonie aŭtamabila «Fijat».
