Piensilvanskaja hazieta Patriot-News vybačyłasia za pieradavicu, u jakoj nazvała znakamituju Hietyśbierhskuju pramovu prezidenta ZŠA Aŭraama Linkalna «durnoj», praz 150 hadoŭ paśla jaje publikacyi.
Ciapierašniaja redakcyja vydańnia zajaviła, što aŭtary artykuła, apublikavanaha ŭ listapadzie 1863 hoda, nie zrazumieli, jakim važnym, značnym byŭ vystup prezidenta.
U razhar Hramadzianskaj vajny pamiž Poŭnačču i Poŭdniem, u 1863 h., Linkaln vystupiŭ u Hietyśbierhu z pramovaj, zaklikaŭšy ŭsich amierykancaŭ da sapraŭdnaj svabody i raŭnapraŭja.
Ciapierašni redaktar haziety Patriot-News vykazaŭ zdahadku, što jaho kalehi ŭ siaredzinie XIX st. napisali svoj vodhuk pad upłyvam palityčnych nastrojaŭ — a moža być, i ałkaholu.
Piensilvanskaje vydańnie raniej było viadoma jak The Patriot and Union i ŭ hady Hramadzianskaj vajny ŭ ZŠA vystupała na baku Poŭdnia.