Biełaruski hurt «Lapis Trubiackoj» pieranosić šerah kancertaŭ, heta źviazana z naradžeńniem syna ŭ lidara hrupy Siarhieja Michałka i Śviatłany Zielankoŭskaj, havorycca na sajcie hurtu.
Adnak padkreślivajecca, što vystup u Vilni, na «Simens-Arenie» 30 listapada adbudziecca.
«Siabry, u nas znoŭ pieranosiacca kancerty. Hetym razam pryčyna prostaja: u Siarhieja Michałka, jak vy viedajecie, naradziŭsia syn. I ciapier jon pavinien być doma, ź siamjoj -- spadziajemsia, bolš ničoha tłumačyć nie treba. Tamu kancerty ŭ Čarapaŭcy, Uładzimiry i Ivanava pieraniesieny na 5 śniežnia, 9 lutaha i 11 lutaha adpaviedna.
Usie kvitki sapraŭdnyja, dziakuj za razumieńnie i da sustrečy 30 listapada ŭ Vilni!», — havorycca na sajcie.
Nahadajem, što ŭ pačatku listapada šerah kancertaŭ u Rasii byŭ admienieny z-za taho, što Siarhiej Michałok sarvaŭ hołas.
30 listapada ŭ Vilni «Lapisy» prezientujuć biełaruskamoŭny albom «Hraj», usie kvitki i na kancert i na ciahniki da Vilni na 29 i 30 listapada raskuplenyja.
