Kandydat ad kirujučaj kaalicyi «Hruzinskaja mara» atrymaŭ pieramohu na vybarach, jakija prajšli 27 kastryčnika. Pavodle źviestak Centrvybarkama, za 44-hadovaha Hieorhija Marhviełašvili prahałasavali bolš za 62 pracenty vybarščykaŭ.

Cyrymonija jaho ŭstupleńnia na pasadu projdzie ŭ dvary byłoha budynka parlamenta ŭ Tbilisi. Čakajecca prysutnaść bolš jak 50 zamiežnych delehacyj. Papiarednik Marhviełašvili na pasadzie, treci prezydent Hruzii Michaił Saakašvili ŭdzielničać u cyrymonii admoviŭsia, jon spasłaŭsia na palityčnyja roznahałośsi z novym kiraŭnictvam krainy.

Siońnia ž u Hruzii ŭstupajuć u siłu papraŭki ŭ kanstytucyju, jakija značna abmiažujuć uładu prezydenta na karyść premjer-ministra i ŭrada. Taksama, pavodle źmienaŭ, paśla inaŭhuracyi abranaha prezydenta dziejny ŭrad pavinny skłaści svaje paŭnamoctvy. Ciaham siami dzion Marhviełašvili aficyjna pradstavić na pasadu premjera Iraklija Harybašvili, jakoha ciapierašni premjer Bidzina Ivanišvili nazvaŭ svaim pierajemnikam.

Napiaredadni kiraŭnik MZS krainy Majia Pandžykidze zajaviła, što na cyrymoniju inaŭhuracyi ŭ Tbilisi pryjeduć 53 aficyjnyja delehacyi, jak ad siabroŭskich krain, tak i mižnarodnych arhanizacyj, pieradaje RIA Novosti. Pavodle ministra, u Tbilisi pryjedzie kiraŭnik Litvy Dala Hrybaŭskajcie, jakaja budzie pradstaŭlać nie tolki svaju krainu, ale i Eŭraźviaz, dzie Litva na hety peryjad źjaŭlajecca staršynioj, premjer-ministry Azerbajdžana i Aŭstryi, siem ministraŭ zamiežnych spraŭ i pradstaŭniki ŭradaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?