Samyja cikavyja fakty z žyćcia biełaruskaha i suśvietnaha kaściołu ciapier taksama možna daviedacca z «Ŭkantakcie». Tak, naprykład, supołka «UKaściole | Biełaruskamoŭny katalicki partał» i pablik «Tadevuš Kandrusievič» paviedamlajuć sa spasyłkaj na sajt catholic.by, što na hetym tydni ŭ Lepieli adbyŭsia II Čempijanat pa mini-futbole siarod katalickich śviataroŭ Biełarusi.
U spartyŭnaj sustrečy biełaruskaha duchavienstva ŭdzielničali kamandy z usich dyjacezij. Na spabornictvy prybyŭ taksama Mitrapalit Tadevuš Kandrusievič, jaki hulaŭ u kamandzie Mienska-Mahiloŭskaj archidyjacezii.
U vyniku miescy raźmierkavalisia nastupnym čynam: 1-je — kamanda Haradzienskaj dyjacezii, 2-je — kamanda Viciebskaj dyjacezii, 3-je — kamanda Mienska-Mahiloŭskaj archidyjacezii, 4-je — kamanda Pinskaj dyjacezii.
A z 24 pa 28 lutaha ŭ Biełarusi projdzie VIII Čempijanat Jeŭropy pa mini-futbole siarod katalickich śviataroŭ.
Što cikava, jość siarod vialikaj kolkaści katalickich supołak, jakija viaducca pa-biełarusku, i pablik papy Franciška, u jakim aperatyŭna aśviatlajucca ŭsie padziei źviazanyja ź im.
