6 śniežnia Instytut biełaruskaj historyi i kultury (IBHiK) i vydaviectva «Charviest» prezientavali ŭ Minsku piać čarhovych vydańniaŭ ź sieryi «100 vydatnych dziejačaŭ biełaruskaj kultury». Jany pryśviečany Janu Čačotu, Uładzisłavu Syrakomlu, Ihnatu Kančeŭskamu, Vacłavu Łastoŭskamu, Michaiłu Ptašuku.
U intervju BiełaPAN navukovy sakratar IBHiK, redaktar-kaardynatar sieryi Anatol Taras paviedamiŭ: «Zhodna z płanam našaha instytuta rychtujecca da vydańnia šmat roznych knih, i usie jany pryśviečany biełaruskaj historyi i kultury. U tym liku i hetaja sieryja. A jašče, nahadaju, u nas jość sieryja «Nieviadomaja historyja», vydańni jakoj vychodziać na ruskaj i biełaruskaj movach. Na rodnaj movie vydana ŭžo vosiem knih, rychtujucca jašče šeść. U studzieni-lutym nastupnaha hoda jany vyjduć z druku».
Siarod navinak Taras asabliva adznačyŭ knihu historyka-mihranta Vacłava Panuceviča «Žamojdź i Litva: roznyja krainy i narody».
