Jak paviedamlaje ahienctva «Intefaks-Zachad», śledčyja pravodziać pravierku pa fakcie śmierci vajskoŭca terminovaj słužby 11-j miechanizavanaj bryhady, što znachodzicca ŭ Słonimie.

«Pa fakcie śmierci vajskoŭca terminovaj słužby pravodzicca pravierka», — paviedamiŭ načalnik upraŭleńnia infarmacyi hałoŭnaha ŭpraŭleńnia ideałahičnaj pracy Minabarony Uładzimir Makaraŭ. Inšyja padrabiaznaści hetaha faktu ŭ Minabarony paviedamić admovilisia.

Jak paviedamili ahienctvu va ŭpraŭleńni Śledčaha kamiteta pa Hrodzienskaj vobłaści, «cieła sałdata było vyjaŭlena na terytoryi parku techniki vajskovaj čaści 33/933, jon paviesiŭsia na kabinie ekskavatara».

Tam taksama painfarmavali, što «asnoŭnaj viersijaj zdareńnia śledčyja nazyvajuć samahubstva z-za prablem u asabistym žyćci». Pravierku pravodzić Słonimski rajonny adździeł SK, udakładnili śledčyja.

Pa ich słovach, «užo apytanyja vajskoŭcy dadzienaj častki, kiraŭnictva, dziaŭčyna zahinułaha sałdata».

«Za paŭtary hadziny dy śmierci sałdat dasłaŭ dziaŭčynie SMS ab tym, što źbirajecca skončyć žyćcio samahubstvam», — raskavzali va USK.

***

Telefony słužby ekstranaj psichałahičnaj dapamohi

Kruhłasutkavaja słužba ekstranaj psichałahičnaj dapamohi «Telefon davieru»: 8 (017) 202-04-01

Respublikanskaja telefonnaja «haračaja linija» pa akazańni psichałahičnaj dapamohi niepaŭnahadovym, što trapili ŭ kryzisnuju situacyju: 8-801-100-16-11

Śpis kantaktaŭ ekstranych słužbaŭ u rehijonach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?