Minskaje «Tarpieda» ŭ siezonie-2014 moža zajavicca ŭ druhuju lihu čempijanatu Biełarusi pa futbole. Zaŭziatary vystupili ź listom z prośbaj ab finansavaj dapamozie kłubu.
Sa staronki «Tarpieda» na vk.com
«U 2014 hodzie 2-ju lihu čempijanatu Biełarusi płanujuć raźbić na rehijony, fiederacyja biełaruskaha futboła choča ŭ joj bačyć ad čempijanatu Minska (tam, dzie my zaraz vystupajem na amatarskim uzroŭni) FK «Tarpieda» Minsk i FK «AK Ždanovičy». Dla zajaŭki treba niedzie 50 młn rub, sabrać takuju sumu my možam tolki abjadnanymi siłami. Zaraz mižsiezońnie, tamu vydatkaŭ na vyjezdy i nie tolki asabliva niama.
Taksama my padali 17 śniežnia ŭ Minharvykankam dakumienty na rehistracyju SHA «Futbolny kłub Tarpieda», kali ŭsio budzie dobra, to budziem šukać finansavuju padtrymku i ad pradpryjemstvaŭ, ale pakul varta tolki raźličvać na svaje siły!
Zahadzia dziakuj usim tym, chto zastaniecca nieabyjakavym da hetaj situacyi, i aščadzić na plašcy piva abo pačcy cyharet, pry hetym zrabiŭšy dobruju spravu, uniosšy svoj układ u adradžeńnie FK «Tarpieda» Minsk na prafiesijnym uzroŭni! Voś kašalki, kudy možna pieraličvać materyjalnuju dapamohu:
WMZ111523274486 - u dalarach;
WMR446937751540 - u ras. rub.;
WMB448261042975 - u bieł. rub.
FK «Tarpieda-Minsk» — adzin z najstarejšych biełaruskich futbolnych kłubaŭ, zasnavany ŭ 1947 h. Hulaŭ u pieršynstvie BSSR, piacirazovy čempijon. U vyšejšaj lizie biełaruskaha čempijanatu vystupaŭ z 1992 pa 2004 hh.
Za kłub u svoj čas hulali Siarhiej Jaromka — adzin z najlepšych bambardziraŭ biełaruskaha čempijanatu, Siarhiej Paŭlukovič (siońnia — hiendyrektar «Dynama» Minsk), Aleh Konanaŭ (siońnia — hałoŭny trenier FK «Krasnadar»).
