Biełteleradyjokampanija prakamientavała čarhovy skandał, jaki raspačaŭsia pa zakančeńni nacyjanalnaha adboru udzielnikaŭ na «Jeŭrabačańnie».

Nahadajem, što Finalisty konkursu Maks Łorens i Dzidziula nakiravali zvarot da Alaksandra Łukašenka, u jakim skardzilisia na parušeńni rehłamientu i prasili pierahledzieć vyniki nacyjanalnaha adboračnaha tura «Jeŭrabačańnie-2014».

U kampanii padkreślivajuć, što ŭ vyniku adnačasovaha hałasavańnia hledačoŭ i sudździaŭ roŭnuju kolkaść bałaŭ u finale nabrali dva vykanaŭcy — Tea i duet Maks Łorens & Dzidziula.

«U poŭnaj adpaviednaści z p. 27 r. 6 Pałažeńnia ab praviadzieńni Nacyjanalnaha adboračnaha tura Mižnarodnaha televizijnaha konkursu pieśni «Jeŭrabačańnie-2014», «u vypadku kali dva i bolš udzielniki finału prajekta nabirajuć roŭnuju kolkaść bałaŭ, pieramožca prajekta vyznačajecca dadatkovym adkrytym hałasavańniem prafiesijnaha žury».

«Treba taksama adznačyć, što praviły JEVS nie abmiažoŭvajuć arhanizataraŭ nacyjanalnych adboraŭ u ich rehłamientacyi», — adznačaje Biełteleradyjokampanija.

«Jašče raz padkreślim, što pieršaje hałasavańnie žury žorstka rehłamientavana tymi ž 10 chvilinami, kali idzie i hałasavańnie telehledačoŭ. Paśla ich zakančeńnia padpisanyja kožnym členam žury pratakoły pieradajucca ŭ padlikovuju kamisiju. Mienavita na apracoŭku ŭžo padpisanych pratakołaŭ i patrabujecca dadatkovy čas. U hetych umovach śćviardžać, što členy žury pahrebavali čyimści mierkavańniem abo mieli mahčymaść «padkarekciravać» svaju pazicyju, — značyć hrašyć suprać iściny», — ličać arhanizatary nacyjanalnaha adboru.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?