Arcybiskup Viciebski i Aršanski Dzimitryj. Fota Sieržuka Sierabro

Pasiedžańnie kapituła premii pad kiraŭnictvam redaktara časopisa «Pravasłaŭny ahlad» («Przegl?d Prawosławny») adbyłosia 11 studzienia.

Akramia viciebskaha ijerarcha siarod uznaharodžanych Mitrapalit Miesahiejski i Łaŭraatyjski Nikałaas (Hrecyja), manaški manastyra Śviatoj Tekli ŭ Maalule na čale ź ihumieńniaj Piełahiejaj (Sajaf, Siryja), Mižnarodnaja asambleja pravasłaŭnych parłamientaryjaŭ i etnohraf Darafiej Fionik.

Jany ŭznaharodžanyja za ŭkład u raźvićcio pravasłaŭnaj dumki, kultury i duchoŭnaści, a taksama za dziejnaść pa jadnańni chryścijanaŭ.

Archijepiskap Dzimitryj, pa adukacyi inžynier, pryniaŭ manaski postryh u 1977 hodzie, a jaho biskupskaje słužeńnie pačałosia ŭ 1989 hodzie, tak što jano prypała na hady adnaŭleńnia carkvy ŭ Biełarusi — u duchoŭnym i materyjalnym sensie.

Jaho pracu možna vymierać kolkaściu pabudavanych chramaŭ i manastyroŭ, niadzielnych škoł, adnaŭleńniem Viciebskaj duchoŭnaj sieminaryi.

Varta ŭzhadać, što pieršym miescam jaho słužeńnia była Połackaja jeparchija — pieršaja z pryniaŭšych chryścijanstva na Biełarusi. Kali była stvoranaja Viciebskaja jeparchija, tam było 9 cerkvaŭ i dvanaccać śviataroŭ, a zaraz u joj 187 prychodaŭ z 143 chramami, dzie słužać 178 śviataroŭ.

Kanstancin-Vasil Kanstancinavič Astrožski syn viadoma vajskovaha dziejača i vialikaha hietamana VKŁ Kanstancina Astrožskaha. Naradziŭ ŭ 1526 hodzie ŭ Turavie. U 1559 hodzie staŭ vajavodam kijeŭskim. Byŭ addanym prychilnikam pravasłaŭja. Kanstancinopalski patryjarch Ijeramija II, vysoka aceńvajučy pabožnyja pamknieńni kniazia ŭ adnosinach da Carkvy, u svaich hramatach nazyvaŭ jaho zachavalnikam i pabornikam ładu ŭ Carkvie na ŭsich paŭdniova-zachodnich ziemlach Vialikaha Kniastva Litoŭskaha. U svaich uładańniach Astrožski zasnavaŭ bolš čym 600 cerkvaŭ i 20 manastyroŭ, pry mnohich ź ich dziejničali špitali i škoły. U 1575 hodzie kniaź zaprasiŭ Ivana Fiedaroviča (Ivana Fiodarava) dla arhanizacyi drukarni ŭ svajoj rezidencyi. Dziakujučy Astrožskaj drukarni śviet pabačyli bolš za 20 vydańniaŭ, u tym liku Biblija słavianskaju movaju.

Uznaharoda imia kniazia Kanstancina-Vasila Astrožskaha zasnavanaja ŭ 1989 hodzie i prysudžałasia ŭžo 25 razoŭ. Tradycyjna jana ŭručajecca padčas Vialikadnia na mižnarodnym fiestyvali duchoŭnaj muzyki ŭ Hajnaŭcy (Polšča).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?