24-hadovy rasiejec Pavieł Sapožnikaŭ ździajśniaje cikavy ekśpierymient: sprabuje vyžyć va ŭmovach Siaredniaviečča — biez sučasnych vyhod i srodkaŭ suviazi. Kopija «staražytnaruskaha chutara» zbudavanaja siarod lesu ŭ Sierhijeva-Pasadskim rajonie Maskoŭskaj vobłaści. Jon žyvie ŭ kurnoj chacie, karystajecca instrumientami i pradmietami pobytu anałahičnymi siaredniaviečnym. Adzieža taksama adpaviednaja. U jaho jość haspadarka: kury i kozy.
Žyćciom čałavieka Ch stahodździa Pavieł žyvie ŭžo čaćviorty miesiac.
Kab zrabić hety repartaž, siabry dali jamu na adzin dzień kamieru i błaknot dla zapisaŭ.
«Na pačatku było vielmi ciažka pryvykać da adzinoty i abstanoŭki, — piša Pavieł. — Adnak volaj-niavolaj prajekt ciapier — heta i jość majo žyćcio».
