Biełstat apublikavaŭ dadzienyja ab uradžajnaści zbožža pa rajonach krainy za 2013 hod. «Naša Niva» naniesła dadzienyja na kartu Biełarusi pa rajonach. Anałahičnaja karta źjaŭlałasia i letaś.
Što źmianiłasia za hod? Usie vobłaści, aproč Homielščyny, napatkaŭ vialiki niaŭradžaj. Śnieh lažaŭ doŭha, dyj hleba akazałasia pieraŭvilhotnienaj. U vyniku ahulnaja ŭradžajnaść z hiektara źmienšyłasia z 34,5 c da 29,7 c. A ŭ niekatorych rajonach, jak, naprykład, Pinskim ci Małaryckim, zhubiłasia da traciny ziernia.
Zrešty, padzieńnie było ahulnym i bolš-mienš raŭnamiernym.
Lidary ŭ rejtynhu faktyčna tyja samyja, chiba što Hrodzienski rajon abahnaŭ Niaśvižski ŭ baraćbie za lidarstva. Inšymi słovami, «Vierciališki» akazalisia bolš paśpiachovymi za «Snoŭ».
A voś u aŭtsajdaraŭ – haspadarak Viciebščyny – uradžajnaść amal u čatyry razy horšaja, čym u pieramožcaŭ spabornictva.
Samyja ŭradžajnyja rajony Biełarusi (centnieraŭ z hiektara)
1) Hrodzienski — 59,4 c
2) Niaśvižski — 59,1 c
3) Bierastavicki — 51,6 c
4) Klecki — 49,5 c
5) Mastoŭski — 49,2 c
6) Škłoŭski – 46,7 c
7) Minski — 44,9 c
Najmienš uradžajnyja rajony Biełarusi (centnieraŭ z hiektara)
1) Haradocki — 15,5 c
2) Brasłaŭski — 15,6 c
3) Rasonski — 15,9 c
4) Šumilinski — 16,5 c
5) Ušacki — 16,9 c
6) Sieńnienski — 17,2 c
7) Krasnapolski — 18,6 c
