Biełaruś zaniała treciaje miesca ŭ rejtynhu najbolš zaležnych ad nafty ekanomik, padrychtavanym ahienctvam Bloomberg.Rejtynh składzieny na asnovie pracentnych adnosinaŭ naftavaha ekspartu da VUP krainy. Usie dziaržavy, jakija ŭličvaje Bloomberg, ranžyravanyja zychodziačy z tempaŭ pryrostu naftavaha składnika ŭ VUP za 25 hadoŭ (z 1993 pa 2018 hady).

Zhodna z rejtynham, u 1993 hodzie naftavy składnik (abjom naftavaha ekspartu) Biełarusi byŭ na ŭzroŭni 0,5% da VUP. Blizu 2018 hoda, zhodna z prahnozami ekśpiertaŭ Bloomberg, dola naftavaha ekspartu da VUP dasiahnie ŭ Biełarusi 13,9%. Takim čynam, pavodle acenak aŭtaraŭ rejtynhu, naftavy składnik da VUP vyraście ŭ Biełarusi na 13,4 pracentnaha punkta za 25 hadoŭ.

Pieršaje miesca pa tempach pryrostu naftavaha składnika da VUP u rejtynhu Bloomberg zaniała Livija, druhoje — Sinhapur.

Aficyjnyja statźviestki Biełarusi paćviardžajuć, što mahčymaści biełaruskaj ekanomiki hienieravać valutnuju vyručku šmat u čym zaležać ad situacyi ŭ naftavaj śfiery.

Pavodle źviestak za studzień—listapad 2013 hoda, ekspart biełaruskich naftapraduktaŭ skłaŭ 9,31 młrd. dołaraŭ. Akramia hetaha, u nazvany pieryjad Biełaruś ekspartavała nafty na 1,13 młrd. dołaraŭ.

Kali ŭličyć, što sukupnyja valutnyja pastupleńni Biełarusi ad ekspartu tavaraŭ u studzieni—listapadzie skłali 32,54 młrd. dołaraŭ, to vidavočna: naftavy składnik zajmaje pryblizna tracinu ŭ sukupnaj valutnaj vyručcy Biełarusi, što pastupaje ad ekspartu.

Tym časam biełaruskija ŭłady viaduć pieramovy ab pavieličeńni abjomaŭ pierapracoŭki rasijskaj nafty na svajoj terytoryi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?