Minułaj nočču kala 0.10 na rehulavanym piešachodnym pierachodzie na vulicy Bahdanoviča, kala doma №147, aŭtamabil naśmierć źbiŭ dziaŭčynu 1982 naradžeńnia.
Jana pierachodziła prajeznuju častku na dazvalalny (zialony) sihnał śviatłafora. U vyniku DTZ piešachod ad atrymanych traŭmaŭ pamierła na miescy. Kiroŭca ža źjechaŭ ź miesca zdareńnia.
Pakul nie ŭstanoŭlena asoba kiroŭcy, a taksama marka aŭtamabila. Viadoma, što mašyna jechała pa vuł. Bahdanoviča z boku vuł. Viery Charužaj u napramku vuł. Kulman. Paśla avaryi kiroŭca pamčaŭsia pa vuł. Kulman u napramku Kamaroŭskaha rynku.
DAI źviartajecca da ŭsich, chto vałodaje jakoj-niebudź infarmacyjaj pa hetym DTZ, mahčyma, byŭ jaho śviedkam abo viedaje kiroŭcu ci mašynu,
nieadkładna źviarnucca pa telefonie 102 abo ŭ dziažurnuju častku DAI horada Minska pa telefonie (017) 222-17-17.
Kanfidencyjalnaść harantujecca.
