Śpis rekamiendacyj utrymlivaje 19 punktaŭ. Siarod ich patrabavańnie zabiaśpiečyć najaŭnaść Wi-Fi, adzinaj formy vopratki z bejdžami dla absłuhoŭčaha piersanału, schiem ruchu transpartu, viedańnie piersanałam razmoŭnaj anhlijskaj movy i praduchilić niematyvavany rost cenaŭ.

Taksama było raspracavanaje mieniu z 10 straŭ biełaruskaj nacyjanalnaj kuchni.

Na dumku pradstaŭnikoŭ padkamisii nieabchodny minimum składajecca z asarci sialanskaha, sieladzca pa-starabiełarusku, hrybnoj poliŭki, dranikaŭ, bulbianikaŭ, piačysta ź śvininy, vieraščaki, hračanikaŭ z hrybami, biełaruskaha čaju i źbicieniu.

Historyk, aŭtar i ŭkładalnik knihi «Naša strava» Aleś Bieły znachodzić taki śpis vielmi nudnym.

«Śvinina, bulba i hryby. Usio heta ŭziata z poststalinskaha kulinarnaha zbornika 1955 hoda,

jakomu spoŭniłasia 59 hadoŭ. Dobry pakazčyk mientalitetu biełaruskaha čynavienstva, — kaža Bieły. — Taksama niezrazumieła, ci pavinnyja ŭsie restarany mieć hety śpis, u tym liku japonskaj, italjanskaj i h.d? Heta było b absurdna».

U Ministrstvie handlu patłumačyli, što pradstaŭleny na sajcie śpis źjaŭlajecca naboram rekamiendacyj, za nievykanańnie jakich karać nikoha nie źbirajucca.

«Adnak napiaredadni ČS-2014 pa chakiei kožnaja ŭstanova, jakaja pavažaje siabie, musić prytrymlivacca dadzienych rekamiendacyj. Bo

časam byvaje, što adkryjecca niejkije kafe, hladziš — pryhoža. A prachodzić niekalki miesiacaŭ, i miesca pieratvarajecca ŭ hadziučnik.

Pahadziciesia, vam nie budzie chaciecca naviedvać jerundovuju ŭstanovu, jakaja nie robić ramont, nie abnaŭlaje interjery.

Zrazumieła, što ŭ intaresach subjektaŭ hramadskaha charčavańnia stvaryć kamfortnyja ŭmovy dla turystaŭ, haściej ČS pa chakiei. Ale čamu tolki dla turystaŭ? Usio pierš-napierš robicca dla našych ludziej. Tamu Ministrstva handlu pilna sočyć za hatoŭnaściu hramadskaha charčavańnia. Padkamisija minhandlu na čale ź ministram handlu pastajanna razhladaje surjoznyja pytańni. Na adnym z apošnich, naprykład, abmiarkoŭvałasia arhanizacyja hramadskaha charčavańnia na vakzałach i ŭ nacyjanalnym aeraporcie Minsk», — paviedamiŭ pres-sakratar Ministerstva handlu Dźmitry Malinoŭski.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?