Vadzim Cituška ŭ intervju prahramie «Hrošy» zajaviŭ, što jon asudžaje dziejańni siłavikoŭ u Kijevie, paviedamlaje TSN.ua.

«Bierkut zajmajecca samavolstvam», — kaža Vadzim Cituška.

«Kazak Michaił Haŭrylak, jakoha raździeli dahała — nielha tak prynižać čałavieka. Heta biaźmiežža», — miarkuje Cituška.

Chłopiec kaža, što vobraz, jaki jamu naviazvajuć (ad jaho proźvišča pajšło najmieńnie «cituški», jakimi nazyvajuć va Ukrainie maładych ludziej-pravakataraŭ), pamyłkovy. «Ja adekvatny małady čałaviek, jaki ŭ svoj čas pamyliŭsia».

Zhodna z sudom Vadzimu 2 hady zabaroniena ŭdzielničać u lubych palityčnych akcyjach abo mitynhach. Ad ludskoha hnievu jon chavajecca ŭ rodnym horadzie — Biełaj Carkvie. Raniej paviedamlałasia, što Cituška chacieŭ by pryjechać na Jeŭramajdan i padtrymać ludziej.

Kab simvalična padtrymać ludziej, jakija mierznuć na dźviuch «płoščach», Vadzim Cituška pierad kamieraj nakałoŭ drovaŭ dla ŭkrainskich mitynhoŭcaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?