U suviazi z hetym Ministerstva ekanomiki ŭklučyła ŭ Dziaržaŭny rejestr haspadarčych subjektaŭ, jakija zajmajuć daminujučaje stanovišča na tavarnych rynkach, TAA «Jeŭrahandal». A voś «Frutimpart» (kampanija, afilavanaja ź sietkami «Susiedzi» i «Ściažynka»), jakaja niekatory čas taksama ŭvachodziła ŭ dziaržrejestr, letaś była vyklučana ź jaho.

Taksama «Jeŭrahandal» uklučany ŭ rejestr manapalistaŭ pa pazicyi «krupy».

Inšymi debiutantami rejestra ŭ 2013 hodzie stali zavod «Technanikol» (miakkija dachavyja materyjały), Dobrušskaja papiarovaja fabryka «Hieroj pracy» (sšytki), ŁMZ «Univiersał» (padjomniki i kanviejery dla padziemnych rabot), «Homielkabiel» i Baranavicki stankabudaŭničy zavod (abmotačnyja emalavanyja draty), «Olsa» (elektrapompy «Ručajok») i Babrujski zavod bijatechnałohij (etyłavy rektyfikavany techničny śpirt).

Paśla ŭklučeńnia ŭ skład «Biełšyny» Kryčaŭskaha zavoda humatechničnych vyrabaŭ «manapolnaja» namienkłatura pradpryjemstva pašyrałasia za košt humavaha abutku. Taksama na adnu pazicyju ŭ rejestry stała bolš u «Biełtelekama» — heta pasłuha pa «pradastaŭleńni ŭ karystańnie miescaŭ u kabielnaj kanalizacyi».

U 2013 hodzie Minekanomiki paličyła, što bolš niama manapalistaŭ na rynku pastavak čaju i kavy. U vyniku sa śpisu byli vyklučanyja najbujniejšyja pastaŭščyki hetaj pradukcyi kampanii «Avałonhandal» i «Karavan».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?