Dziaŭčynu źbili ŭčora nočču ŭ Minsku na vulicy Bahdanoviča, kala doma №147. Jana pierachodziła darohu pa rehulavanym piešachodnym pierachodzie. Kiroŭca źjechaŭ.
«Padčas apieratyŭna-vyšukovych mierapryjemstvaŭ u dvary žyłoha doma niedaloka ad miesca zdareńnia znojdzieny aŭtamabil «Toyota Avensis» ź miechaničnymi paškodžańniami, charakternymi dla najezdu na piešachoda. Asoba uładalnika ŭstanoŭlena», — paviedamiŭ pradstaŭnik upraŭleńnia Śledčaha kamiteta pa Minsku Alaksandr Hierasimaŭ.
Ciapier viaducca pošuki kiroŭcy, vyśviatlajucca akaličnaści złačynstva. Zaviedziena kryminalnaja sprava.
