Furhon DAF, jaki zahareŭsia siońnia ranicaj u Minsku, kala Biełaruskaha dziaržaŭnaha akademičnaha muzyčnaha teatra, pieravoziŭ sadavinu i harodninu, paviedamiŭ BiełaPAN pamočnik načalnika Minskaha haradskoha ŭpraŭleńnia MNS Vital Demboŭski.
Nahadajem, raniej vidavočcy paviedamili, što kala 11 hadzin u rajonie teatra muzkamiedyi zahareŭsia hruzavy aŭtamabil, jaki pieravoziŭ bałony z hazam, pobač ź jakim vidavočcy taksama bačyli čorny ad sažy tralejbus.
Pavodle słoŭ Demboŭskaha, u hruzaviku byli sapraŭdy vyjaŭlenyja dva hazavyja abahravalniki z bałonami. Pradstaŭnik MNS adznačyŭ, što pryčyna pažaru vyśviatlajecca.
Jon padkreśliŭ, što ŭzharańnie adbyłosia ŭsiaredzinie furhona, i na momant prybyćcia ratavalnikaŭ aŭtamabil hareŭ adkrytym połymiem. Ciapier ahoń likvidavany. U vyniku zdareńnia paškodžany hruzavy adsiek aŭtamabila, pradukcyja ŭ im, a taksama łakafarbavaje pakryćcio kabiny.
Pry hetym Demboŭski nie pacvierdziŭ infarmacyju ab tym, što pry ŭzharańni paciarpieŭ tralejbus.
