Konkurs maładych piśmieńnikaŭ «Ekślibrys» nievypadkova nazvany ŭ honar Ułasava.
Vydaviec, publicyst, jon doŭhija hady (1906 — 1914) źjaŭlaŭsia redaktaram – vydaŭcom haziety «Naša niva», zaachvociŭ da pracy ŭ redakcyi Janku Kupału, Jakuba Kołasa i Źmitraka Biadulu. Sioleta spoŭnicca 140 hadoŭ z dnia jaho naradžeńnia.
Na konkurs buduć prymacca tvory na biełaruskaj abo ruskaj movie, napisanyja aŭtarami, jakija maładziejšyja za 40 hadoŭ.
Pretendentam prapanavanyja nastupnyja žanry: ese (litaraturaznaŭčaje, sacyjakulturnaje, histaryčnaje, krajaznaŭčaje, etnahrafičnaje), narys, publicystyčny (analityčny) artykuł, litaraturny ahlad, recenzija i inš.
Temy konkursu nastupnyja: «Asoba ŭ prastory i časie», «Aŭtar. Hieroj. Čytač», «Maja identyčnaść», «Pieraadoleńnie abmiežavańniaŭ», «Suisnavańnie i supraćstajańnie».
Ale ŭ miežach hetych ahulnych tem mohuć być raskrytyja bolš vuzkija i kankretnyja temy. Nazva tvora moža być lubaja. Hałoŭnaje, kab ahulny pamier nie pieravyšaŭ 20 tysiač znakaŭ z prabiełami.
U žury konkursu ŭvachodziać piśmieńnik i krytyk Siarhiej Dubaviec, piśmieńnik Aleś Paškievič, litaraturaznaŭcy Alaksandr Fiaduta i Iryna Šaŭlakova, fiłosaf Volha Šparaha.
Teksty na konkurs možna dasyłać fajłami ŭ farmacie.doc da 1 žniŭnia 2014 hoda na adras [email protected], paznačyŭšy temaj lista «Konkurs». U liście musić być nastupnaja infarmacyja: imia, proźvišča, data naradžeńnia ŭdzielnika, kantaktny numar telefona i e-mail.
Piać pieramožcaŭ konkursu atrymajuć najlepšyja rydery ŭ liniejcy kampanii «Prestigio»— MultiReader Supreme 5664, a ich tvory buduć źmieščanyja ŭ elektronnych biblijatekach ebooks.prestigioplaza.com i e-kniga.by.
«Naša niva» źjaŭlajecca adnym z partnioraŭ konkursu i płanuje źmiaścić na svaich staronkach asobnyja teksty. Adnaho z udzielnikaŭ čakaje śpiecyjalny pryz ad «NN».
