Sudovaja kalehija pa kryminalnych spravaŭ Viarchoŭnaha suda razhledzieła ŭ kasacyjnym paradku kryminalnuju spravu, pa jakoj da adkaznaści byli pryciahnutyja ŭdzielniki tak zvanaj pastaŭskaj złačynnaj hrupoŭki Michaił Janukovič, Andrej Łukjanaŭ i Aleh Zubkievič.
Złačynstvy, učynienyja pastaŭskaj hrupoŭkaj, uzrušyli Biełaruś jašče ŭ 2007 hodzie. Tady, jak było dakazana, členy hrupoŭki ŭ kryminalnych razborkach zabili inšych sudzimych žycharoŭ Pastaŭ. Jak vyśvietlili pravaachoŭniki, adzin sa złamyśnikaŭ pad vyhladam pieraprodažu ziamielnaha ŭčastka zavabiŭ dvuch achviar na zakinuty chutar niepadalok ad litoŭskaj miažy, dzie jaho zmoŭščyki z zasady adkryli ahoń z abreza palaŭničaj strelby i małakalibiernaha pistaleta. Cieły złačyncy zakapali ŭ lasnym masivie kala vioski Navasiołki -2 Pastaŭskaha rajona. Taksama złačynnaja hrupa Janukoviča rehularna zajmałasia vymahalnictvam, machlarstvam, rabavańniami, «dachavańniem» kamiercyjnych struktur.
Kryminalny aŭtarytet z Pastavaŭ Michaił Janukovič pa sukupnaści złačynstvaŭ byŭ asudžany na 25 hadoŭ pazbaŭleńnia voli z kanfiskacyjaj majomaści i adbyćciom pakarańnia ŭ papraŭčaj kałonii va ŭmovach uzmocnienaha režymu. Sud pryznaŭ jaho vinavatym u ździajśnieńni šmatlikich złačynstvaŭ, siarod jakich vymahalnictva, niezakonnaje zachoŭvańnie ahniastrelnaj zbroi, zabojstva i inš
Andrej Łukjanaŭ byŭ pryznany vinavatym u ździajśnieńni cełaha šerahu złačynstvaŭ, u tym liku ŭ razboi, vymahalnictvie, padbuchtorvańni i dapamozie ŭ naŭmysnym paškodžańni majomaści, u padrychtoŭcy da naŭmysnaha źniščeńnia majomaści ahulnaniebiaśpiečnym sposabam, niezakonnym zachoŭvańni ahniastrelnaj zbroi, machlarstvie. U sukupnaści jon atrymaŭ pakarańnie ŭ vyhladzie 15 hadoŭ pazbaŭleńnia voli z kanfiskacyjaj majomaści i adbyćciom pakarańnia ŭ papraŭčaj kałonii va ŭmovach strohaha režymu.
Aleha Zubkieviča sud pryhavaryŭ da 23 hadoŭ i 6 miesiacaŭ pazbaŭleńnia voli z kanfiskacyjaj majomaści i adbyćciom pakarańnia ŭ papraŭčaj kałonii va ŭmovach strohaha režymu. Jon pryznany vinavatym u vymahalnictvie, zabojstvach, zachoŭvańni ahniastrelnaj zbroi i inšych złačynstvach.
Sudovaja kalehija pa kryminalnych spravach Viarchoŭnaha suda pakinuła bieź źmieny prysudy fihurantam hetaj kryminalnaj spravy. Kožny prysud ustupiŭ u zakonnuju siłu.
