Zdymačnaja hrupa prahramy «Maju prava» zdymała siužet u Miorach. Niezaležnyja žurnalisty, jakija supracoŭničajuć z «Biełsatam», Nasta Reźnikava, Alaksandr Paciejeŭ i Siarhiej Kručkoŭ zdymali siužet pra žycharoŭ miastečka, jakija zastalisia biez aciapleńnia.
Pakul žurnalisty zatrymanyja dla vyśviatleńnia asobaŭ.
Milicyjanty patłumačyli žurnalistam, što «jany pierabyvajuć u zonie vajskovych vučeńniaŭ, pra jakija infarmavali miedyi, tamu prysutnaść žurnalistaŭ tut niepažadanaja».
Užo tydzień žychary Mioraŭ žyvuć biez aciapleńnia. Ich infarmavali, što heta z pryčyny avaryi, adnak, jak udałosia vyśvietlić žurnalistam, sprava ŭ vajskovych zborach. Ciapło pieranakiravali, kab abahreć kazarmy, piša sajt telekanała «Biełsat».
Jak paviedamiŭ NN aficyjny pradstaŭnik «Biełsatu» ŭ Biełarusi Michaś Jančuk, u RAUSie ŭ žurnalistaŭ uziali tłumačeńni.
Paśla žurnalistaŭ pad kanvojem vyvieźli ź Mioraŭ i adpuścili, pryhraziŭšy, što kali tyja viernucca, zatrymańnie budzie našmat bolš brutalnym.
