Padčas pres-tura pa miedyjacentry Alimpijady ŭ Sočy namieśnik premjer-ministra Rasii Dźmitryj Kozak prahavaryŭsia, što ŭ vannych pakojach sočynskich hatelaŭ viadziecca videanazirańnie, paviedamlaje The Wall Street Journal.

«U nas jość zapisy kamier videanazirańnia ŭ hatelach, na jakich bačna, što ludzi ŭklučajuć duš, nakiroŭvajuć strumień u ścianu i sychodziać na ceły dzień»,

— cytuje Kozaka amierykanskaje vydańnie.

Hetyja słovy Kozak pramoviŭ, adkazvajučy na pretenzii žurnalistaŭ ab nizkaj jakaści alimpijskich abjektaŭ i servisa ŭ ich — vice-premjer prytrymlivajecca mierkavańnia, što takim čynam zamiežnyja ŚMI abjavili miedyjavajnu pa dyskredytacyi Alimpijskich hulniaŭ u Sočy.

Adrazu paśla adkaza Kozaka žurnalista adšturchnuli ad čynoŭnika, vidavočna, kab toj nie zadavaŭ pytańnia ab pravamiernaści videanazirańnia ŭ dušavych, piša The Wall Street Journal.

Pres-sakratar Kozaka apraŭdvaŭsia paśla, što ŭ hatelach nie viadziecca videanazirańnie za haściami, a čynoŭnik mieŭ na ŭvazie videazapisy, zroblenyja padčas budaŭnictva ci absłuhoŭvańnia numaroŭ.

Viadoma, što savieckija śpiecsłužby praktykavali prasłuchoŭvańnie i adsočvańnie ŭsich zamiežnych haściej krainy. Šum u Biełarusi vyklikali pryznańni byłoha supracoŭnik minskaha hatela «Jeŭropa», što ŭ im viadziecca tatalnaje nazirańnie za pastajalcami haścinicy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?