U skład učastkovych vybarčych kamisij, sfarmiravanych dla pracy na miascovych vybarach, uklučany 23 pradstaŭniki čatyroch apazicyjnych partyj, u toj čas jak usiaho jany vyłučali 372 čałaviek.

U pryvatnaści, jak paviedamiŭ BiełaPAN sakratar Centrvybarkama Mikałaj Łazavik, u skład učastkovych kamisij uklučana 12 pradstaŭnikoŭ Biełaruskaj partyi levych «Spraviadlivy śviet» (vyłučali — 186), šeść — Partyi BNF (64), try — Abjadnanaj hramadzianskaj partyi (118), dva — Biełaruskaj sacyjał-demakratyčnaj partyi (Hramada) (čatyry).

Pavodle słoŭ Łazavika, kolkaść uklučanych va ŭčastkovyja kamisii pradstaŭnikoŭ apazicyjnych partyj źniziłasia ŭ paraŭnańni z papiarednimi vybarami. Heta jon tłumačyć niekalkimi faktarami. Pa-pieršaje, źniziłasia kolkaść samich partyj, jakija vyłučali svaich pradstaŭnikoŭ u kamisii. Pa-druhoje, apazicyjnyja partyi doŭha nie mahli vyznačycca, iści im na vybary ci nie, a taksama čym na ich zajmacca, kali zabaroniena ahitavać za bajkot.

«Napeŭna, ich zajavy i ŭličvalisia pry farmiravańni vybarčych kamisij. Bo kamisii — hałoŭny arhanizatar vybaraŭ, jaki pracuje i z samimi kandydatami ŭ deputaty, i z vybarščykami. Kali farmirujucca vybarčyja kamisii, to jany pavinny arhanizoŭvać, a nie razburać vybarčy praces», — skazaŭ Łazavik.

Sakratar Centrvybarkama taksama adznačyŭ, što niekatoryja partyi stavili zadaču dakazać, što vybary ŭ Biełarusi ničoha nie značać, i kali b nie była zabaroniena ahitacyja za bajkot vybaraŭ, zaklikali b nie chadzić na ŭčastki dla hałasavańnia.

Usiaho na miascovych vybarach było ŭtvorana 6.170 vybarčych kamisij, u skład jakich uvajšło 67.069 čałaviek.

Miascovyja vybary adbuducca 23 sakavika.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?