fota z sajta Hrodzienskaha zaaparka

fota z sajta Hrodzienskaha zaaparka

Rabotnica Hrodzienskaha zaaparka vyrašyła pahładzić lva i straciła ruku. Ab vypadku paviedamiŭ dyrektar zaaparka Aleh Ždankin. Incydent adbyŭsia ŭ subotu 8 lutaha.

37-hadovaja supracoŭnica zaaparka, rabotnica karmakuchni, pierad sychodam dachaty vyrašyła pahładzić lva, jana pieralezła cieraz aharodžu siekcyi «drapiežnyja žyvioły» i prasunuła ruku pamiž žaleznych prutoŭ valjera. U adkaz leŭ napaŭ na žančynu.

Ź vialikaj ranaj pravaha pieradplečča z defiektam i razmazžeńniem miakkich tkanin, defiektam kaścianoj tkaniny žančyna była špitalizavana. Joj zroblena amputacyja na ŭzroŭni pravaha plača.

«Paciarpiełaja pracuje ŭ našym zaaparku 15 hadoŭ, ale jaje praca nikoli nie była niepasredna źviazana z žyviołami. Jana kucharka na karmakuchni. Mnie ciažka skazać, čamu jana pastupiła tak nieaściarožna. Heta sumnaje zdareńnie dla nas, adzinaje ŭ svaim rodzie. Chaču nahadać usim naviedvalnikam našaha zaaparka, što nieabchodna stroha vykonvać praviły biaśpieki», — skazaŭ dyrektar.

Pa fakcie napadu lva na čałavieka pravodzicca pravierka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?