U Homieli dźvie mamy-dakretnicy papalisia na kradziažach.
Dva nie źviazanych pamiž saboj fakty zarehistravanyja na praciahu sutak 8 lutaha ŭ Čyhunačnym i Centralnym rajonach Homiela.
Jak paviedamili ŭ pres-słužbie UUS Homielskaha abłvykankama, u pieršym vypadku ŭ milicyju źviarnuŭsia žychar mikrarajona Sialmaš.
Jon paviedamiŭ, što paśla sumiesnaha raśpićcia śpirtnoha ź nieviadomaj žančynaj u siabie doma vyjaviŭ źniknieńnie hrošaj. Źnikła 299 dalaraŭ, 1000 rasijskich rubloŭ i 100 ukrainskich hryŭniaŭ.
Vyśvietlena, što ich kradziež ździejśniła hościa paciarpiełaha — 34-hadovaja hamialčanka, jakaja znachodzicca ŭ dakretnym adpačynku. Častka vykradzienaha ŭ jaje kanfiskavana.
U tyja ž sutki adbyłasia kradziež u kramie pa vuł.Mazurava. Złamyśniki padabrali kluč da adnoj ź jačejek dla rečaŭ i vyciahnuli adtul pakiet, u jakim znachodzilisia pradukty charčavańnia i džynsy. Nieŭzabavie milicyjanty zatrymali padazravanych — dvuch pradstaŭnic słabaha połu.
Małodšaja ź ich — 30-hadovaja hamialčanka, znachodzicca ŭ dakretnym adpačynku pa dohladu za dziciem. Praŭda, letaś była sudzimaja za ŭchileńnie ad utrymańnia dziaciej.
Jaje tavaryšcy 44 hady. Abiedźvie zatrymanyja.
