Ahrarna-pramysłovamu kompleksu Biełarusi nieabchodna skancentravacca na raźvićci małočnaj vytvorčaści, zajaviŭ premjer-ministr Michaił Miaśnikovič 11 lutaha na pasiadžeńni prezidyuma Savieta ministraŭ, paviedamlaje pres-słužba ŭrada. 

«Hetuju halinu treba zachoŭvać, raźvivać i ŭsialak padtrymlivać», — adznačyŭ Miaśnikovič. 

Niahledziačy na toje što siońnia małočnaja pramysłovaja vytvorčaść krainy źjaŭlajecca rentabielnaj, Biełaruś, pavodle słoŭ premjera, vykarystoŭvaje nie ŭvieś patencyjał. Patreby rynku ŭ małočnaj pradukcyi značna bolšyja, adznačyŭ jon, i jany nie zakryvajucca. Ajčynnaja małočnaja halina mahła b aktyvizavacca i zaniać volnyja nišy, ličyć Miaśnikovič. 

Na pasiadžeńni byŭ razhledžany šerah prablemnych pytańniaŭ, jakija tyčacca, u tym liku, nievykanańnia ŭstanoŭlenych paramietraŭ usimi rehijonami, nienaležnaj adkaznaści kadraŭ sielskahaspadarčaj haliny.

«Vyniki kiepskija va ŭsich, — kanstatavaŭ premjer. — I što mianie bolš za ŭsio niepakoić — heta niejki piesimizm abo navat asudžanaść, jakaja pačynaje źjaŭlacca na vioscy. Hetaha być nie pavinna».

Pryčym, jak adznačyŭ Miaśnikovič, takija nastroi siońnia nazirajucca navat u haspadarkach, što niakiepska pracujuć. 

Asnoŭnaja prablema hetaha, ličyć kiraŭnik urada, — niedapracoŭka kadraŭ. U miežach pasiadžeńnia prezidyuma Saŭmina hetaja prablema ŭzdymałasia nieadnarazova. Praktyčna ŭsie kiraŭniki rehijonaŭ kanstatavali — kvalifikavanych śpiecyjalistaŭ nie chapaje. Pry hetym razmova idzie nie tolki pra kadry kiravańnia — prablemy jość pa ŭsioj viertykali. Mnohija akazalisia nie hatovy pracavać u novych umovach z ulikam uvodu i rekanstrukcyi małočna-tavarnych fierm, jakija asnaščajucca sučasnym abstalavańniem. 

Miaśnikovič vykazaŭsia ab nieabchodnaści pavyšeńnia kvalifikacyi kadraŭ i adkaznaści za nievykanańnie pakazčykaŭ i daviedzienych zadańniaŭ: «Siońnia treba vypracavać i zaćvierdzić zony adkaznaści, tamu što ŭhavory ŭžo nie dapamahajuć». 

U adpaviednaści z respublikanskaj prahramaj raźvićcia małočnaj haliny na 2010—2015 hady ŭ Biełarusi pavinna być vyrablena 10 młn. ton małaka, kolkaść pahałoŭja karoŭ pavinna skłaści 1 młn. 600 tys. «Zastałosia dva hady, a my majem zusim nie tyja pakazčyki», — kanstatavaŭ kiraŭnik urada. Heta pry tym, što tolki za 2011—2013 hady ŭ sielskuju haspadarku ŭkładziena 5 młrd. dołaraŭ, ź jakich bolš za 2 młrd. — u małočna-tavarnyja fiermy. 

Niekatoryja admoŭnyja tendencyi 2013 hoda šerah rehijonaŭ, pavodle słoŭ Miaśnikoviča, pieranosić u 2014 hod. Častka ź ich (u pieršuju čarhu Viciebskaja i Minskaja vobłaści) pačali hod sa źnižeńnia vytvorčaści małaka. Nivodnaja z abłaściej nie vykonvaje zadańnie pa pryroście kolkaści małočnaha statku. Usio heta nie pavinna zastavacca biez uvahi, situacyja pavinna być vypraŭlena, padkreśliŭ premjer. 

«Na pasiadžeńni byŭ vypracavany kompleks dadatkovych mier pa ŭkaranieńni sučasnych technałohij kormavytvorčaści, pavyšeńni ekanamičnaj efiektyŭnaści małočnaj haliny i plemiannoj spravy ŭ žyviołahadoŭli», — havorycca ŭ paviedamleńni pres-słužby ŭrada.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?