Zbornaja Rasii zavajavała čaćviorty załaty miedal na chatniaj Alimpijadzie ŭ Sočy. Jaho vyjhraŭ Alaksandr Traćciakoŭ, što staŭ najlepšym u spabornictvach skieletanistaŭ. Takim čynam susiedzi pieraŭzyšli vynik Alimpijskich hulniaŭ Vankuviera ŭ 2010 h. (try zołaty), vyjšli na 3-je miesca ŭ ahulnym zaliku i trymajuć pieršaje pa ŭsich zavajavanych uznaharodach.
Raniej na Alimpijadzie ŭ Sočy dva zołaty zbornaj Rasii prynieśli fihurysty i jašče adno — majstar šort-treka Viktar An na dystancyi 1000 mietraŭ. U fihurystaŭ pieramohi byli zdabytyja ŭ kamandnym turniry i ŭ spabornictvach spartyŭnych par, dzie najlepšymi stali Taćciana Vałasažar i Maksim Trańkoŭ.
U 2010 hodzie ŭ Vankuviery rasijanie pieramahli ŭ indyvidualnym spryncie u łyžnikaŭ (Mikita Krukaŭ), u mužčynskaj bijatłonnaj honcy z ahulnaha startu (Jaŭhienij Uściuhaŭ ) i ŭ žanočaj bijatłonnaj estafiecie.
Siońnia, 15 lutaha, na Alimpijadzie zastałosia pravieści spabornictvy pa skačkach na łyžach ź vialikaha tramplina.
| Kraina | Zołata | Srebra | Bronza | Usiaho | |
| 1 | Hiermanija | 7 | 3 | 2 | 12 |
| 2 | Šviejcaryja | 5 | 1 | 1 | 7 |
| 3 | Rasija | 4 | 6 | 5 | 15 |
| 4 | Kanada | 4 | 5 | 3 | 12 |
| 5 | Hałandyja | 4 | 4 | 6 | 14 |
| 6 | ZŠA | 4 | 3 | 7 | 14 |
| 7 | Narviehija | 4 | 3 | 6 | 13 |
| 8 | Kitaj | 3 | 2 | 0 | 5 |
| 9 | Biełaruś | 3 | 0 | 1 | 4 |
| 10 | Polšča | 3 | 0 | 0 | 3 |
