Prynamsi 11 čałaviek stali achviarami mocnych śniehapadaŭ u Japonii, i bolš za 1,3 tys. čałaviek paciarpieli, paviedamlaje AFP sa spasyłkaj na centralnaje palicejskaje ŭpraŭleńnie Japonii.

Udar stychii pakinuŭ biez elektryčnaści bolš za 18 tys. žyłych damoŭ i vyklikaŭ bujnyja pieraboi ŭ pracy transpartnaj sistemy Japonii.

Śniehapad abrynuŭsia na paŭnočnuju i paŭnočna-ŭschodniuju častki krainy. Mocna paciarpieli prefiektury Huma i Nahana, jakija raźmiaščajucca na poŭnač ad Tokio.

U vyniku zanosaŭ sotni mašyn stajać u zatorach pa niekalki dzion. Zatory raściahnulisia na dziesiatki kiłamietraŭ.

Ministerstva transpartu Japonii ŭžo arhanizavała dastaŭku pitnoj vady i haračaj ježy ludziam, jakija zachraśli na darohach. Na japonskich trasach ŭstaloŭvajucca punkty abahrevu i bijaprybiralni.

U aeraportach Tokio i inšych japonskich haradoŭ było admieniena bolš za 830 ŭnutranych rejsaŭ. 

Nacyjanalnaje metearalahičnaje upraŭleńnie Japonii papiaredziła, što mocnyja śniehapady praciahnucca na poŭnačy krainy, i zaklikała žycharoŭ nie vychodzić na vulicu biez krajniaj nieabchodnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?