Biełaruski frystajlist Dźmitryj Daščynski padčas treniroŭki ŭ Ekstrym-parku «Roza Chutar» u niadzielu, 16 lutaha. Pad viečar siudy pryjšoŭ mocny tuman i navat byli admienienyja spabornictvy pa bijatłonie (mas-start).
U paniadziełak na Alimpijadzie buduć razyhranyja siem kamplektaŭ uznaharodaŭ. Nadziei biełarusaŭ źviazanyja ź finałami ŭ frystajle, ale tut u finał treba jašče trapić.
Pačatak pieršaj kvalifikacyi ŭ 16:45. Udzielničajuć Anton Kušnir, Dźmitryj Daščynski i alimpijski čempijon Vankuviera Alaksiej Hryšyn. Finały pačynajucca z 20:30.
Darečy, biełaruskija frystajlisty vyjhravali miedali na piaci alimpijadach zapar.
U 1998-m hodzie ŭ Nahana bronzu zavajavaŭ Dźmitryj Daščynski, u 2002-m u Sołt-Lejk-Sici miedal takoj ža vartaści uziaŭ Alaksiej Hryšyn, u 2006-m u Turynie Daščynski zaniaŭ druhoje miesca, u 2010-m u Vankuviery Hryšyn staŭ alimpijskim čempijonam. U 2014 h., 14 lutaha, Ała Cupier stała alimpijskaj čempijonkaj.
