Vyjšła z druku kniha litoŭskaha historyka Rymvidasa Piatraŭskasa «Litoŭskaja znać u kancy XIV— pačatku XV stahodździa». Hetaja praca — sproba sintezu piersanalnaj i sacyjalnaj historyi Vialikaha Kniastva Litoŭskaha. Z adnaho boku, aŭtar imkniecca vyznačyć pachodžańnie litoŭskaj znaci i pakazać jaje hienieałahičnaje raźvićcio, a ź inšaha boku sprabuje raskryć strukturny pierałom unutry zhadanaj znaci, jaki adbyŭsia ŭ XV st.
Abiedźvie asnoŭnyja prablemy razhladajucca z ulikam dośviedu jeŭrapiejskaj histaryjahrafii. Pavodle aŭtara:
Ad samaha pačatku dziaržaŭnaści Litvy ŭ palityčnuju elitu kraju intehravalisia hrupy ludziej roznaha etničnaha pachodžańnia i roznych kanfiesij. Naprykład, u pačatku CHIII st. litoŭskaje vojska vioŭ hiersicki kniaź Usievaład, vajarami karala Mindaŭha kiravaŭ Chvał, a znakamitym uradnikam vialikaha kniazia Hiedzimina byŭ horadzienski starosta Davyd. Spatrebiłasia ŭsiaho tolki adno ci dva pakaleńni, kab na novym miescy pradstaŭniki znaci źmianili svaju kanfiesijnuju i etničnuju tojesnaść…
Razhledžanaja ŭ hetaj knizie znać — heta pradstaŭniki «palityčnaj litoŭskaj nacyi», što naradžałasia ŭ hety čas, jany razam z panujučaj dynastyjaj Hiedziminavičaŭ stvaryli Vialikaje Kniastva Litoŭskaje.
Poŭny źmiest knihi možna pabačyć tut. Knihu možna zamović pa pošcie.
