Vałavy ŭnutrany pradukt Biełarusi ŭ studzieni—lutym 2014 hoda źniziŭsia na 1,6% i skłaŭ 94 trłn. 899,1 młrd. rubloŭ, paviedamili BiełaPAN u Nacyjanalnym statystyčnym kamitecie. U studzieni źnižeńnie VUP skłała 1,1%. Hadavy prahnoz rostu VUP — 3,3%.
Vytvorčaść pramysłovaj pradukcyi ŭ studzieni—lutym 2014 hoda źniziłasia na 5,5% da 103 trłn. 621 młrd. rubloŭ. Zapasy hatovaj pradukcyi skłali 33 trłn. 889,7 młrd. rubloŭ, ci 84% da siaredniamiesiačnaha abjomu pramvytvorčaści (u studzieni—lutym 2013 hoda — 75,2%). Udzielnaja vaha inavacyjnaj pradukcyi ŭ ahulnym abjomie adhružanaj pradukcyi skłała 14,7% suprać 19,6% letaś.
Vypusk sielhaspradukcyi haspadarkami ŭsich katehoryj skaraciŭsia na 4% da 10 trłn. 171,5 młrd. rubloŭ, sielhasarhanizacyjami — na 3% da 9 trłn. 532,3 młrd. rubloŭ.
Inviestycyi ŭ asnoŭny kapitał źnizilisia na 18,7% da 20 trłn. 229,1 młrd. rubloŭ. Uviedziena ŭ ekspłuatacyju 754,1 tys. kv. mietraŭ žylla (na 17,2% bolš za letašni pakazčyk).
Pieravozki hruzaŭ transpartam pamienšylisia na 6,2% da 64,9 młn. ton. Roźničny tavaraabarot vyras na 12,9% i skłaŭ 43 trłn. 66,7 młrd. rubloŭ, aptovy — na 2,7% da 73 trłn. 10,8 młrd. rubloŭ.
Inflacyja za studzień—luty 2014 hoda skłała 3,6%, u tym liku za luty — 2%.
