Ria.ru
Siońnia hienieralny sakratar AAN Pan Hi Mun, jaki prybyŭ u Maskvu dla abmierkavańnia situacyi ŭ Ukrainie, sustreŭsia z prezidentam Rasijskaj Fiederacyi Uładzimiram Pucinym i ministram zamiežnych spraŭ Siarhiejem Łaŭrovym.
Vizit kiraŭnika AAN prachodzić «u ramkach dypłamatyčnych namahańniaŭ, nakiravanych na sadziejničańnie va ŭrehulavańni ciapierašniaha kryzisu mirnym šlacham».
«U jakaści hienieralnaha sakratara AAN ja, viadoma, nie mahu nie adčuvać samaj hłybokaj zakłapočanaści ŭ suviazi ź ciapierašnim raźvićciom situacyi, jakaja tyčycca Ukrainy i Rasii», — zajaviŭ kiraŭnik AAN na sustrečy z Uładzimiram Pucinym. Jon padkreśliŭ, što Rasija źjaŭlajecca adnym ź lideraŭ mižnarodnaj supolnaści, pryčym nie tolki adnym ź lidzirujučych členaŭ AAN, ale i viadučym hulcom na suśvietnaj arenie.
Siarhiej Łaŭroŭ na sustrečy z Pan Hi Munam vykazaŭ hłybokuju zaniepakojenaść Rasijskaj Fiederacyi ŭ suviazi sa šmatlikimi parušeńniami pravoŭ ruskamoŭnaha nasielnictva va ŭschodnich i paŭdniova - ŭschodnich rehijonach Ukrainy, nahniatańniem napružanaści z boku radykalnych hrupovak pry papuščalnictvie kijeŭskich uładaŭ.
Z Maskvy Pan Hi Mun vylecić u Kijeŭ, dzie 21 sakavika praviadzie sustrečy z vykonvajučym abaviazki prezidenta Alaksandram Turčynavym, premjer-ministram Arsienijem Jacaniukom i inšymi słužbovymi asobami.
