Demahrafičnaja nahruzka na pracazdolnaje nasielnictva ŭ Biełarusi ŭ suviazi z rostam kolkaści pažyłych ludziej dasiahnuła maksimalnaha značeńnia za ŭsiu paślavajennuju historyju, paviedamiŭ na pres-kanfierencyi 1 krasavika načalnik upraŭleńnia demahrafičnaj statystyki Nacyjanalnaha statystyčnaha kamiteta Rusłan Urubleŭski.

Dola ludziej starejšych za pracazdolny ŭzrost na pačatak 2014 hoda skłała 2,3 młn. čałaviek i za minuły hoda pavialičyłasia na 37,1 tys.

«Dola asob hetaj uzrostavaj katehoryi maje ŭstojlivuju tendencyju da pavieličeńnia ŭžo na praciahu mnohich hadoŭ, — adznačyŭ Urubleŭski. — Zhodna ź mižnarodnymi kryteryjami, nasielnictva ličycca starym, kali dola asob [va ŭzroście] 65 hadoŭ i starej u im składaje 7%. Ciapier kožny siomy biełarus, heta značyć 14% žycharoŭ krainy, znachodzicca ŭ hetym uzroście».

Pavodle słoŭ śpiecyjalista, u pačatku 2014 hoda na 1.000 čałaviek pracazdolnaha ŭzrostu prypadała 403 starejšych za pracazdolny ŭzrost, u toj čas jak jašče ŭ 2009 hodzie hety pakazčyk byŭ 359 čałaviek.

Pry hetym pamienšyłasia kolkaść žycharoŭ krainy maładziejšych za pracazdolny ŭzrost z 326 u 2002 hodzie da 281 čałavieka na 1.000 čałaviek pracazdolnaha ŭzrostu.

Pavodle słoŭ śpiecyjalista, stareńnie nasielnictva charakternaje dla bolšaści jeŭrapiejskich krain i abumoŭlena «jak nievysokimi tempami naradžalnaści, tak i pavieličeńniem praciahłaści žyćcia». Kolkaść žycharoŭ da 15 hadoŭ u Biełarusi składaje 1,6 młn. čałaviek, ci 16,7% ad ahulnaj kolkaści, adznačyŭ Urubleŭski. Pavodle jaho słoŭ, za minuły hod hetaja katehoryja nasielnictva pavialičyłasia na 31,4 tysiačy čałaviek. «Hetaje pavieličeńnie źviazana z ustupleńniem u dzietarodny ŭzrost žančyn 1980-ch hadoŭ naradžeńnia», — adznačyŭ pradstaŭnik Biełstata. Jon patłumačyŭ, što dla 1980-ch hadoŭ charakterny vysoki ŭzrovień naradžalnaści. U pačatku 2014 hoda dola nasielnictva pracazdolnaha ŭzrostu składała 5,6 młn. čałaviek, ci 59,4% ahulnaj kolkaści, i za hod skaraciłasia na 64,3 tysiačy čałaviek. «Prahnazujecca, što pamianšeńnie kolkaści pracazdolnaha nasielnictva zachavajecca, bo ŭ hety ŭzrost buduć ustupać małalikija hrupy ludziej, narodžanych u pačatku 1990-ch hadoŭ, jakija charaktaryzujucca nizkim uzroŭniem naradžalnaści», — skazaŭ Urubleŭski. Razam z tym, adznačyŭ śpiecyjalist, z hetaj uzrostavaj katehoryi pastupova vychodziać ludzi, narodžanyja paśla vajny, dla jakoha byŭ charakterny rost naradžalnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?