Premjer-ministr Biełarusi Michaił Miaśnikovič i staršynia ŭrada Rasijskaj Fiederacyi Dźmitryj Miadźviedzieŭ u chodzie telefonnaj razmovy abmierkavali siońnia pytańni pastavak rasijskaj nafty ŭ druhim paŭhodździ 2014 hoda. Ab hetym karespandentu BIEŁTA paviedamili ŭ pres-słužbie biełaruskaha ŭrada.

«U chodzie telefonnaj razmovy padrabiazna razhledžany pytańni pastavak rasijskaj nafty ŭ druhim paŭhodździ 2014 hoda, a taksama inšyja pytańni dalejšaha pašyreńnia dvuchbakovaj intehracyi, pramysłovaj kaapieracyi i finansavaha supracoŭnictva», - adznačyli ŭ pres-słužbie.

Baki abmierkavali šerah aktualnych pytańniaŭ dvuchbakovych adnosin, jaki majuć uzajemny intares. Dasiahnuta damoŭlenaść ab prapracoŭcy mahčymaj sustrečy ŭ krasaviku biahučaha hoda da pasiadžeńnia Vyšejšaha Jeŭrazijskaha ekanamičnaha savieta kiraŭnikoŭ dziaržaŭ Biełarusi, Kazachstana i Rasii, jakaja adbudziecca 29 krasavika ŭ Minsku.

Taksama Michaił Miaśnikovič i Dźmitryj Miadźviedzieŭ abmierkavali inviestycyjnyja prajekty. Pry hetym rasijski premjer adznačyŭ realny ruch napierad pa ich realizacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?