Biełaruskaja pravasłaŭnaja carkva razam z hiniekołahami Navapołacka dy Połacka pravodziać sumiesnuju akcyju — tydzień biez abortaŭ. Kažuć, što takija akcyi projduć pa ŭsioj Biełarusi!

Na pastu ŭ adździaleńni hiniekałohii Navapołackaj centralnaj rajonnaj balnicy pytajusia, ci robiać aborty. I čuju, što apieracyi… pravodziacca.

«Tydzień akcyja była, tydzień biez abortaŭ. Ale jana ŭžo prajšła».

Ja ŭ rospačy! Akcyja, pavodle aficyjnych źviestak, jašče idzie da 3 krasavika, a ŭ Navapołacku — prajšła? Miedsiastra vypraŭlajecca.

«My nie zapisvali na hety tydzień na aborty, — raździelna vyhavorvaje miedsiastra. — A zaraz zapisvajem, ale na inšyja dni».

Akazvajecca, da akcyi rychtavalisia zahadzia, navat pieranosili niekalki razoŭ.

«Tym, kaho terminy padciskali, zrabili aborty raniej, kamu možna paciarpieć — pieranosili na paźniej. Ale hety tydzień aborty nie rabili, — błytajuć u Navapołacku i sami ž dadajuć, što paźniej apieracyi ŭznoviać. — My ŭsio roŭna zrobim hetyja aborty, bo zakonam nie zabaroniena. I budziem rabić, pakul u nas nie zabaroniać zakanadaŭča».

Ale sens u akcyi biez abortaŭ jość — u Navapołacku ŭ hetym nie sumniavajucca. Akcyju padtrymlivajuć… ciažarnyja z radzilnaha adździaleńnia.

U Navapołacku kažuć, što nivodnaja žančyna nie pieradumała rabić abort.

«Telefanujuć i pierapytvajuć, ci možna budzie zrabić abort — ciažarnaść ža raście!» — kažuć u hiniekałahičnym adździaleńni.

Navošta robiać takuju dziŭnuju akcyju, sprabuju daviedacca ŭ Biełaruskaj pravasłaŭnaj carkvie. Tut da jaje staviacca skieptyčna, maŭlaŭ, heta ŭsio śvieckija ludzi pravodziać.

«Kali choć adnoje dzicia budzie vyratavana za košt taho, što minuli dazvolenyja terminy aborta, my budziem radyja. Adnak heta nie my pravodzim akcyju, a śvieckija ludzi», — kažuć u BPC. Tut nie adčuvajuć nijakich iluzij nakont pakazušnaści: kali nie zrabić abort ciapier, možna pajechać u inšy rajon ci pačakać.

Zusim inšyja spadziavańni ŭ deputata Vadzima Dzieviatoŭskaha: jon razam z hałoŭnym akušeram-hiniekołaham Minachovy zdaroŭja Śviatłanaj Sarokaj — adny ź inicyjataraŭ akcyi.

«Pa piłotnym prajekcie daabortnaha kansultavańnia, jaki pravodziŭsia ŭ Minsku, pa vynikach 20% žančyn admovilisia ad abortaŭ», — kaža Śviatłana Saroka.

Pakul na Viciebščynie pravodziać akcyju pa zabaronie abortaŭ, u Akciabrskim rajonie Homielskaj vobłaści da 1 krasavika dziejničali źnižki na miedykamientozny abort — 9%.

Hałoŭny doktar balnicy Viktar Mularčyk tłumačyć Jeŭraradyjo, što ŭ ramkach akcyi žančyn na abort pryjšło nie bolš i nie mienš, čym zvyčajna. Za try miesiacy — čatyry čałavieki.

«Miedykamientozny abort «lepšy», čym chirurhičny, bo hety abort biez ŭmiašalnictva ŭ arhanizm žančyny. Paśla takoha aborta žančyna možna naradzić, a voś paśla chirurhičnaha moža i nie naradzić», — dzielicca doktar. Viktar Mularčyk zaŭvažaje, što prablema z abortami vostra i nie staić. Šmat sił vydatkavali na toje, kab papularyzavać srodki papiaredžańnia ciažarnaści. Voś i ŭvieś fokus.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?