Fota www.lida.info
Na bierazie Niomana ŭ Lidskim rajonie, pobač z horadam Biarozaŭka, užo pabudavanyja siadziba, altanka i abaronnaja vieža ŭ siaredniaviečnym styli, jakija ŭźviedzieny z vykarystańniem staradaŭnich instrumientaŭ pa praviłach siaredniaviečnaha dojlidstva.
Naprykład, kab pakryć dach čarotam, pajšło piać miesiacaŭ.
Nastupnaja meta – budaŭnictva bajavoj ładździ vikinhaŭ daŭžynioj 14 mietraŭ.
Pakul płošča muzieja zajmaje 15 sotak. Ale stvaralniki płanujuć pašyryć jaho i pradstavić abarončuju architekturu taho času, pobytavyja rečy i instrumienty.
A taksama stvaryć sapraŭdny fłot vikinhaŭ, dzie buduć roznyja typy sudoŭ.
Istotna, što materyjały muzieja buduć prezientavać nie tolki suśvietnuju historyju.
Bo vikinhi paŭpłyvali na raźvićcio biełaruskich ziemlaŭ. Pavodle adnoj ź viersij, połacki kniaź Rahvałod, jaki pryjšoŭ «z-za mora» taksama byŭ skandynavam (na Rusi ich nazyvali nie vikinhami, a varahami).
Infrastruktura, jakuju stvaryli arhanizatary, užo dazvalaje pracavać muzieju jak častcy ahrasiadziby. U budučyni tam buduć pravodzicca fiestyvali z pakazam siaredniaviečnych kaściumaŭ i fajeršou.
Pieršyja turysty zmohuć naviedać muziej praź miesiac.
