Telekanał ANT pačaŭ padrychtoŭku da novaha telesiezona. Ad pačatku vieraśnia ŭ efiry źjavicca tok-šou «Sprava pryncypu».

U paniadziełak, 21 krasavika, hledačy zmahli ŭbačyć piłotny vypusk prahramy, jakaja zaniała miesca tok-šou «Pazicyja» Vadzima Hihina.

Zrešty, ideałoh i hałoŭny redaktar «Biełaruskaj dumki» zastaniecca ŭ jakaści viadučaha.

U čym navinka prahramy? U «Spravie pryncypu» hledačy majuć u rukach pulty, jakimi jany vykazvajuć padtrymku słovam ekśpiertaŭ ci, naadvarot, nie pahadžajucca ź imi.

ANT padhledzieła ideju ŭ Pieršaha nacyjanalnaha ŭkrainskaha telekanała, na jakim vychodzić padobnaje tok-šou ź viadučym Savikam Šusteram (raniej Šuster rabiŭ anałahičnuju prahramu i na rasijskim NTV).

U niadaŭnim intervju Alaksandra Łukašenki Šusteru rejtynh padtrymki słovaŭ kiraŭnika Biełarusi dachodziŭ da 100%. Hety fakt niekalki razoŭ «smakavali» ŭsie biełaruskija dziaržaŭnyja kanały, u tym liku i ANT. A ciapier vyrašyli dać słova i svaim hledačam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?