Abanienckaja baza apierataraŭ kabielnaha telebačańnia skaračajecca, paviedamiŭ 22 krasavika načalnik upraŭleńnia elektrasuviazi Ministerstva suviazi i infarmatyzacyi Biełarusi Pavieł Pietrulevič padčas navukova-praktyčnaha sieminara, jaki prachodzić u ramkach mižnarodnaha śpiecyjalizavanaha forumu «TIBO-2014» u Minsku. 

«My bačym, jak IP-telebačańnie advajoŭvaje abanientaŭ u apierataraŭ kabielnaha telebačańnia. 2013-ty staŭ pieršym hodam, kali apieratary kabielnaha telebačańnia nie pavialičyli, a, naadvarot, stracili abanienckuju bazu, kali havaryć u cełym pa rynku», — adznačyŭ Pietrulevič. 

Na jaho dumku, skaračeńnie abanientaŭ kabielnych sietak nie śviedčyć ab tym, što hramadzianie stali mienš hladzieć televizar. «Prosta źmianiłasia technałohija dastaŭki televizijnaha sihnału. Adny abanienty syšli na IP-telebačańnie, inšyja kupili «razumny» televizar i atrymlivajuć televizijny kantent pa internecie», — skazaŭ Pietrulevič. 

Pa stanie na pačatak hoda, pavodle źviestak Minsuviazi, u krainie naličvałasia 879,1 tys. abanientaŭ IP-telebačańnia. «Siońnia IP-telebačańniem u Biełarusi karystajecca praktyčna kožny treci abanient, jaki maje šyrokapałosny dostup u internet», — udakładniŭ pradstaŭnik ministerstva. 

Da hetaha času Minsuviazi vydadziena pryblizna 200 licenzij na akazańnie pasłuh pa pieradačy danych. Pavodle źviestak rehulatara, najbujniejšymi apieratarami elektrasuviazi, jakija dajuć abanientam dostup da šyrokapałosnaha internetu, źjaŭlajucca «Biełtelekam», «Alternatyŭnaja ličbavaja sietka» i «Kosmas TB». 

«U krainie naličvajecca prykładna 2,8 młn. abanientaŭ šyrokapałosnaha internetu. Pavodle źviestak Nacyjanalnaha statystyčnaha kamiteta, 54,1% damašnich haspadarak majuć kampjutar, pry hetym 51,9% damašnich haspadarak majuć dostup u internet», — kanstatavaŭ Pietrulevič.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?