Francuzski trenier Arsien Vienhier padpiša novy kantrakt z łondanskim futbolnym kłubam «Arsienał». Pra heta paviedamlaje vydańnie The Daily Mirror. Raniejšaje pahadnieńnie 64-hadovaha śpiecyjalista raźličana da kanca ciapierašniaha siezona.

AFP

AFP

Vienhier zajaviŭ, što maje namier zastacca i pazmahacca za pieršaje miesca ŭ premjer-lizie ŭ nastupnym siezonie [apošniaje čempijonstva datavanaje 2004 h. — NN].

Na letnija tranśfiery trenieru «Arsienała» budzie vydzielena 70 miljonaŭ funtaŭ sterlinhaŭ. Pavodle infarmacyi The Daily Mirror, «Arsienał» cikavicca forvardam «Bavaryi» Marya Mandžukičam, paŭabaroncami Tomam Klevierli z «Mančestar Junajted» i Antuanam Hryzmanam z «Reała Saśjedad».

U hetym siezonie łondanski kłub znachodzicca na čaćviortym miescy ŭ turnirnaj tablicy premjer-lihi, nabraŭšy 70 ačkoŭ paśla 35 turaŭ. 17 maja «Arsienał» zhulaje z «Chał Sici» ŭ finale Kubka Anhlii. U vypadku pieramohi łondancy zavajujuć pieršy trafiej z 2005 hoda.

Vienhier uznačaliŭ «Arsienał» u 1996 hodzie. Za hety čas jon trojčy vyjhraŭ premjer-lihu, pa čatyry razy zavajoŭvaŭ Kubak i Supierkubak Anhlii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?