18.46

Turčynaŭ: Antyterarystyčnaja apieracyja adnoŭlena

17.46

Terarysty ŭ Słaviansku sabralisia prykryvacca dziećmi

16.46

Antyterarystyčnaja apieracyja ŭ Słaviansku prypynienaja z-za pahrozy rasijskaha ŭvarvańnia

13:44

Pucin pryhraziŭ surjoznymi nastupstvami tym, chto pravodzić «karnuju apieracyju» va Ukrainie

13:19

Ukrainskaje padraździaleńnie adyšło ad błokpasta pad Słavianskam

13:00

Ukraincy ŭ Słaviansku stralajuć na paražeńnie. MUS: zabita piać bajevikoŭ

12:54

Važak rasijskich šturmavikoŭ u Słaviansku: My akružany

12:40

Voś što pieradaje karespandent RIA «Novosti», jaki znachodzicca z boku bajevikoŭ:

«Vajskoŭcy ŭkrainskaj armii adbili ŭ apałčencaŭ błakpost ŭ rajonie kambikormavaha zavoda, jaki byŭ abstralany ŭ čaćvier. Apałčency adstupili i padpalili šyny, kab abciažaryć nastup.

Vidavočcy kažuć, što ruchajecca 8 BMD i BTR, niekatoryja z ukrainskimi ściahami, 12 kulamiotčykaŭ. Nad miescam pierastrełki kružać try viertaloty.

Zaraz ŭkrainskija vajennyja dahladajuć na błokpoście usich padazronych asobaŭ».

Nad horadam Słaviansk (Danieckaja vobłaść) kružać viertaloty. Na błokpastach źjavilisia ludzi sa zbrojaj. U sacsietkach pišuć, što armija pačała šturm.

Telefonnaja suviaź u horadzie adsutničaje, paviedamlaje Korrespondent.net.

Raniej miascovyja ŚMI napisali, što ŭ vyniku pierastrełki ŭ Słaviansku ranicaj 24 krasavika zahinuli dva čałavieki, jašče adzin byŭ špitalizavany.

Siońnia ranicaj pamiž Słavianskim i Śviatahorskam (Danieckaja vobłaść) była vyjaŭlenaja hrupa ŭzbrojenych ludziej. Z błokpasta sieparatystaŭ tudy vyjšła mabilnaja hrupa. Pa słovach sieparatystaŭ, ź lesapałasy pa joj adkryli ahoń, paviedamlaje slavgorod.com.ua.

Pa papiarednich dadzienych u vyniku pierastrełki dvoje mužčyn zahinuli, jość paranienyja. Kala 9.30 u balnicu pastupiŭ mužčyna z ahniastrelnym ranieńniem. Ciapier miedyki zmahajucca za jaho žyćcio. Padrabiaznaści zdareńnia vyśviatlajucca.

Mabilnaja suviaź u horadzie znoŭ pracuje ź pierabojami. U niebie bieśpierapynna kružać viertaloty. Baćki masava zabirajuć dziaciej sa škoł i sadkoŭ.

Učora ŭkrainskija vajskoŭcy vyzvalili stratehična važny Śviatahorsk. Unačy ŭkraincy adbili šturm tankavaj čaści ŭ Arciomaŭsku. Taksama ŭnačy ŭkrainskaja Nacyjanalnaja hvardyja vykinuła siepartystaŭ z budynku harsavieta Maryupala.

Za apošnija tydni ŭ sutyčkach z rasijskimi šturmavikami i ad ich ruk u Danieckaj vobłaści zahinuli prynamsi 12 čałaviek.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?