Rasijskaja telekampanija NTV paviedamiła, što na terytoryi Ukrainy źnik supracoŭnik «Centralnaha telebačańnia», biełaruski žurnalist Ściapan Čyryč.
Pavodle infarmacyi NTV, Čyryč vyjechaŭ u horad Pieršatravinsk Dnieprapiatroŭskaj vobłaści, kab źniać siužet pra vizit pratestanckaha śviatara Boba Łarsana. Ad sierady žurnalist nie vychodzić na suviaź.
Ukrainskija ŚMI tym časam paviedamlajuć pra zatrymańnie dyviersantaŭ, jakija vydajuć siabie za žurnalistaŭ, jakija padazrajuć u ździajśnieńni złačynnaj dziejnaści suprać Ukrainy. Mahčyma, havorka viadziecca mienavita pra Ściapana Čyryča, bo ŭ zatrymanych znajšli pašparty hramadzian Biełarusi.
Nahadajem, za zdadzienych dyviersantaŭ u Dnieprapiatroŭskaj vobłaści vypłačvajecca uznaharoda pamieram $10 tysiač.
***
Ściapan Čyryč naradziŭsia ŭ Salihorsku, vučyŭsia na fakultecie žurnalistyki BDU, pracavaŭ u haziecie «Respublika». Źjechaŭ na pracu ŭ Maskvu.
